IBRANI 3:15 - KITTA' MATANGKASA'

¹⁵ Iaminne tattulisika lalang ri Kittaka, angkanaya, “Punna nulangngere' sa'ranNa Allata'ala anne alloa, teako tamappilangngeri sangkamma boe-boenu riolo, ri wattunna nabali Allata'ala.”

IBRANI 3:15 Iomraidhean Croise

PAMMUJI 95:7

Saba' Iami Allata'alata, ikatte umma' niparakaiNa, sanrapang gimbala' Nakalawakia. Anne alloa pilangngerimi sa'ranNa angkana:

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

IBRANI 4:7

Nasaba' le'ba'mi Napattantu Allata'ala se'reang allo maraeng pole, ia nikanaya, “Anne Alloa.” Attaung-taung ribokoanganna Nabicarai Allata'ala anjo passalaka tete ri Daud, iami antu lalang aya' le'bakamo nipau sumpadeng, angkanaya, “Punna nulangngere' sa'ranNa Allata'ala anne alloa, teako tamappilangngeri.”