IBRANI 13:5 - KITTA' MATANGKASA'

⁵ Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

IBRANI 13:5 Iomraidhean Croise

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 30:31

Nakanamo Laban, “Jari apa musti kupassareang mae ri kau?” Appialimi Yakub angkana, “Tea' maki' sareia' apa-apa purina. Tuli lakuparakaina olo'-olotta purina, assala' kisitujui anne pappalakku:

PA'JARIANG 31:5

Nampa nakanamo Yakub ri ke'nanga, “Kuciniki bapa'nu tena nabaji' sangkamma biasa mae ri nakke, mingka Allata'ala nipakala'birika ri manggeku anjagaia'.

1 KARAENG-KARAENG 6:13

LammantangA' lalang anrinni ri balla' nubangunga ri tangnga-tangngana ummakKu Israel. Tena nalaKubokoi ke'nanga.”

1 KARAENG-KARAENG 8:57

Poro Narurungangki' Karaeng Allata'alata, sangkamma NarurunganNa boe-boeta. Poro tena lalo naNabokoiki'.

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

PAMMUJI 119:36

Kisarea' kacinnang untu' mannuruki ri paratoranTa, la'biangngang na cinnaya a'jari kalumanynyang.

PAMMUJI 37:25

Pakkaramula ri rungkaku sa'gengku toa, tale'bakai kucini' tau bajika nibokoi ri Batara, yareka a'jari papala'-palaki ana' cucunna.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

KALAPPASSANG 2:21

Ero'mi Musa ammantang anjoreng. Nampa napa'bunting Yitro ana'na niarenga Zipora siagang Musa.

KALAPPASSANG 20:17

Teako kacinnai barang-baranna parannu rupatau, kammaya: balla'na, bainenna, ata-atanna, olo'-olo'na, keledaina, yareka apa-apa mamo baranna parannu tau.”

PANGNGEBARANG 23:4

Teako susa dudui kalennu untu' a'jari kalumanynyang. Pammari anjo pattujuang kammanu.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YEREMIA 6:13

Yangasenna ke'nanga, ca'di lompo, massing kaparalluang kalenna naboya lalang panggaukang tenaya nalambusu'. Ba'lalo manna na'bia siagang imanga annipu tongi tau.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

MATIUS 6:19

“Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

MATIUS 6:25

Lanri kammana, u'rangi laloi anne; teako ranggaselai ri passala'na katallassannu. Angkanaya apa lanukanre siagang apa lanuinung, kammayatompa apa lanupake ri batangkalennu. Sai la'bi paralluangangi anjo tallasaka naanjo kanrea? Siagang anjo batangkalea naanjo care-carea?

MATIUS 6:34

Lanri kammana, tea' mako bata-batai ri passala'na lanukaparalluanga ammuko, nasaba' untu' ammukoa nia' todong bata-batana. Anne alloa angga'nami lanukasusanga, tea' mako tambai ba'lalo susanu.”

MARKUS 7:22

a'gau' salimara', annipu, appitina, siagang anggaukangi sikamma apa-apa ja'dalaka, ampa'jari taua angngoa, tenangngasseng atorang, assereati, tampo, kammayatompa susai niajara'.

LUKAS 3:14

Nia' tommo surudadu akkuta'nang angkana, “Antekamma anne ikambe? Apa musti nigaukang?” Appialimi Yohanes nakana, “Teako paccoki taua, siagang teako garattaki taua lanri ero'na nualle passa doe'na. Kasukkurammi gaji nugappaya!”

LUKAS 8:14

Anjo bine takkioroka ri tangnga-tangngana rompo'-rompo' akkatintinga, iaminjo pangngebaranna tau allangngerekai anjo kabaraka, mingka ranggaselai ri passala' katallassanna ke'nanga, siagang cinnai a'jari sannang nakkalumanynyang ilalang ri anne linoa. Yangaseng minjo angngepeki ke'nanga, sa'genna takkulleai ke'nanga a'rappo baji'.

ROMA 1:29

Sangnging kaja'dallang mami lalang ri atinna ke'nanga, sangnging apa tenaya nannaba; sangnging kangoang, kabottokang siagang sereati; sangnging eroka ammuno, assiba'ji, annipu, siagang sentimeng. Nangai ke'nanga nabicara paranna tau,

1 KORINTUS 5:11

Mingka ia kupakkanaya iamintu, angkanaya teako asse'rei siagang tau nakanaya kalenna Karisteng, mingka a'gau' bawangi, yareka angngoai, yareka anynyombai barhala, yareka nangai napau kodi paranna tau, yareka painungi, yareka palukkaki. Manna ammempoa sipangnganreang siagang ke'nanga tea' laloko!

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

2 KORINTUS 4:9

Jai tau ammusuki', mingka tena nakile'ba' nibokoi kale-kalenta. Siagang manna ki'mole-mole sanrapang nipatappasa' naung ri buttaya, mingka tena nakikkulle mate.

EFESUS 5:3

Ikau ngaseng Umma'Nako Allata'ala. Lanri kammana, tasiratangai nia' ri tangnga-tangnganu nikanaya gau' bawang, gau'-gau' tenaya nasiratang, yareka kangoanga. Gassingka nia' napare' alasang taua ampakkanaiko angkana nugaukangi anjo sikammaya.

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

PAOLE 31:6

Paralluko majarre' pa'mai' siagang barani! Teako mallakki mae ri ke'nanga! Karaeng Allata'alanu KalenNa lantulungko. Tena nalaNapassalasako siagang tena nalaNabokoiko.”

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

PAOLE 4:31

Anjo Karaeng Allata'alanu, Iami Allata'ala sannaka lompona pangngamaseanNa. Tena nalaNabokoiko yareka tena nalaNapanrakiko, yareka tena nalaNakaluppai parjanjiang Napareka KalenNa siagang boe-boenu.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

1 TIMOTIUS 3:3

teai tau painung sa'genna nasa'ring, yareka teai tau nangaia assiba'ji. Mingka tunai ri kana-kananna siagang nangai assiamaka. Takkulleai angngondang dudu doe'.

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 7:21

Ri alla'na barang-barang niallea, nia' kucini' juba sanna' ga'gana, pare' Babilonia, pera' kira-kira nia' rua kilo battala'na, siagang bulaeng sipolong kira-kira la'bi sitangnga kilo battala'na. Ero' dudua' ri anjo barang-baranga, jari kuallemi siagang kucokkoi lalang ri buttaya ri kemaku; rawa dudui pera'na kuboli'.”

2 PETRUS 2:14

Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

1 SAMUEL 10:7

Punna kajariang ngaseng anjo sikammaya, gaukammi apa nukanaya baji', nasaba' niaki Allata'ala anrurungangko.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.