IBRANI 13:17 - KITTA' MATANGKASA'

¹⁷ Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

IBRANI 13:17 Iomraidhean Croise

PA'JARIANG 16:9

Nakanamo anjo malaekaka, “Ammotere'mako mae ri ia siagang layani ammotere'.”

KALAPPASSANG 32:31

Nampa a'lampa poleammo Musa andallekang ri Batara, na nakana, “Anjo bansaya le'ba'mi a'gau' dosa lompo. Appareki ke'nanga rewata battu ri bulaeng.

PANGNGEBARANG 5:13

Taeroka' ampilangngeri guru-gurungku siagang taeroka' anturuki ke'nanga.

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEHEZKIEL 33:2

“He tau, paui mae ri bansanu, angkanaya punna Kupabattu pa'bundukanga ri se'reang pa'rasangang, iaminne lakajariang: Anjo pandudu'na pa'rasanganga lanapilei ke'nanga battu ri tangnga-tangngana ke'nanga sitau pajaga.

LUKAS 16:2

Jari nasuro kio'mi anjo pagawena ammolika doe' na nakana, ‘Apa kutadeng nugaukangangi barang-barangku? Kamma-kamma anne kukellaiko ampakasingarianga' baji'-baji' antekamma lampa-lampana batenu angngurusuki pa'barang-barangangku. Tenamo kukellaiko amboliki doekku.’

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

ROMA 14:12

Jari musti laniadeli ngasengki' ri Allata'ala, lanri sikontu panggaukanta.

1 KORINTUS 16:16

Kupalaki ri kau ngaseng sollanna nupilangngeri tojeng-tojeng kananna anjo tau kammaya, siagang sikamma tau maraengannaya naaganga ke'nanga anjama-jama siagang allayani.

EFESUS 5:21

Paralluko sipilangngeri sollanna nupakala'biri' Almasi.

FILIPI 1:4

Siagang punna kupappala' doangang ngasengko, teai sipato' sannanna atingku.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

FILIPI 2:29

Jari, tarimami siagang te'ne pa'mai'. Pasangkammai sari'battannu, lanri a'julu tappa'nu. Pakalompo ngasengi sikamma tau kammaya ia.

FILIPI 3:18

A'mole-molema' ampauangko pole, nakamma-kamma anne kupaui pole nakuangngarru' angkanaya jai tau ambattuang salai matu-matunna anjo kamateanNa Almasi ri kayu sallika.

FILIPI 4:1

Lanri kammana, sikontu sari'battangku kukarimangngia, paralluko attojeng-tojeng tappa' mae ri Batara lalang ri katallassannu. Nakku' sikali pa'maikku mae ri kau ngaseng! Ikaumi nakalompoanga pa'maikku siagang kukarannuanga.

2 TESALONIKA 3:14

Nakulle kapang nia' tau taeroka anturuki anne apa napabattua ikambe lalang ri anne suraka. Tutuko ri anjo tau kammaya; teako eroki assierang-erang siagang anjo tau kammaya sollanna a'jari siri'-siri',

1 TIMOTIUS 5:17

Sikamma pamimping anggaukang bajikai jama-jamanna siratangi a'lappi rua batena nipakala'biri', la'biangampa ia rajenga akkato'ba siagang angngajara'.

IBRANI 13:24

Pabattuanga' sallangku mae ri sikamma pamimpinnu siagang mae ri sikontu Umma'Na Allata'ala. Tarima tommi sallang battua ri sikamma sari'battanta ri Italia.

IBRANI 13:7

Teako kaluppai sikamma pamimpinnu, ampabattuai pappasanNa Allata'ala mae ri kau. Parhatikangi antekamma batena attallasa' siagang antekamma batena mate ke'nanga, kammayatompa contoimi katappakkanna ke'nanga.

YAKOBUS 4:7

Lanri kammana, tundu' mako mae ri Allata'ala, siagang ewai Billisika, sollanna lari Billisika battu ri kau.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

1 SAMUEL 8:19

Mingka taerokai anjo bansaya anjampangi kananna Samuel. Ba'lalo nakana ke'nanga, “Boli'mi kamma! Manna pole antekamma eroki ikambe karaeng.