IBRANI 13:13 - KITTA' MATANGKASA'

¹³ Lanri kammana, mae mako nakia'lampa mae ri Ia, ri pantaranganna pa'balla'-ballakanga, nakimminawang todong nihina siagang Ia.

IBRANI 13:13 Iomraidhean Croise

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

MATIUS 27:32

Ri tangngana aganga, sibuntulu'mi ke'nanga siagang sitau tu battu ri Kirene, niarenga Simon. Napassami ke'nanga anjo taua ampisangi kayu salli'na Isa.

MATIUS 5:11

Kate'neangi punna nicallako, yareka nisessako siagang nipassalako passabakkang iNakke.

LUKAS 6:22

Mate'ne ngasengko punna nikabirisiko, punna nisorongbokoko, punna nihinako, siagang nipitinako passabakkang Ana' Ma'rupataua!

LUKAS 9:23

Le'baki anjo Nakanamo mae ri yangaseng tau niaka anjoreng, “Inai-nai ero' amminawang ri Nakke, musti nakaluppai rolong kaparalluang kalenna, musti napisangi salli'na allo-allo, nampa tuli amminawang ri Nakke.

LAMPA-LAMPANA 5:41

A'lampami anjo sikamma tunisuroNa Allata'ala ambokoi anjo sidang Pangadelang Agamaya. Sanna' ngaseng rannuna ke'nanga, lanri nipassiratammi ri Allata'ala ke'nanga angkasiaki paccallaya, lanri arenNa Isa.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

IBRANI 12:3

Alle sai pikkiri' antekamma sessaNa Isa andallekangi sikamma tu dorakaya sannaka batena angngewa mae ri Ia! Lanri kammana, teako la'ba pa'maiki siagang teako tappu' panrannuangi.

IBRANI 12:4

Nasaba' lalang nuusahaina angngewai dosaya, tenapa nasa'genna musti nia' cera' tassolong.

1 PETRUS 4:4

Kamma-kamma anne lannasa'mi tau tenaya natappa' ri Batara, lanri tenamo nuturuki ke'nanga angkasiaki panggaukang dosaya lalang kara'massanga. Iaminjo saba'na nanahina mako ke'nanga.