IBRANI 13:11 - KITTA' MATANGKASA'

¹¹ Cera' olo'-olo' nipassareanga a'jari koro'bang untu' antangkasi dosaya, nierangi ri imang lompoa mange ri Kamara' Kaminang Matangkasaka; mingka kalenna anjo olo'-oloka nitunui ri pantaranganna kemaya.

IBRANI 13:11 Iomraidhean Croise

KALAPPASSANG 29:14

Dagenna, kukkulu'na siagang parru' lolona anjo sapi lakia musti nitunui ri pantaranna kemaya. Iaminjo a'jari passare untu' nipammopporanna dosana sikamma imanga.

YEHEZKIEL 43:21

Nampa, angngalleko sapi laki untu' pannangkasina anjo dosaya, siagang tunui ri tampa' le'baka nipattantu, iamintu ri pantaranganna tampa' matangkasa'na Balla'Na Batara.

KAIMANGNGANG 16:27

Sapi lakia siagang bembea untu' koro'bang pammopporang dosa, ia nieranga cera'na antama' ri Kamara' Kaminang Matangkasa' untu' pammopporanna dosaya, musti nierangi assulu' ri pantarang pakkemaanga nampa nitunu. Kukkulu'na, dagenna siagang bone parru'na anjo ruaya olo'-olo', musti nitunu ngasengi.

KAIMANGNGANG 6:11

Le'baki anjo musti nasambei pakeanna nampa naerang anjo aua assulu' battu ri kemaya, mae ri tampa' le'bakamo nipattantu untu' anjo.

KAIMANGNGANG 6:30

Olo'-olo' untu' upacara nipammopporanna dosaya niallei sipa'gang cera'na untu' nierang mange ri Kamara' Matangkasaka, musti nitunui sa'genna cappu', na takkulleai nikanre.

KAIMANGNGANG 9:11

Mingka dagenna siagang kukkulu'na anjo sapia natunui ri pantaranna pakkemaanga.

KAIMANGNGANG 9:9

Ana'-ana'na Harun ampabattui cera'na anjo sapia mae ri Harun, nampa ia anjallakkangi karemenna antama' ri anjo ceraka, siagang ampasapui anjo ceraka mae ri tanru'-tanru' niaka ri appaka panyingkulu'na anjo tampa' pakkoro'bangnganga. Le'baki anjo, la'binna ceraka napatiriki antama' ri dapara'na tampa' pakkoro'bangnganga.

PAMMILANGNGANG 19:3

Passareangi anjo sapia mae ri Imang Eleazar. Anjo olo'-oloka musti nierangi assulu' ri pantaranganna pakkemaanga, nampa nisamballe ri dallekanna imanga.

PAMMILANGNGANG 19:7

Nampa musti nasassai pakeanna siagang a'je'neki imanga. Le'baki anjo akkullemi antama' ri pakkemaanga, mingka tuli ra'masa'na ija sa'genna labu alloa.