IBRANI 12:5 - KITTA' MATANGKASA'

⁵ Siagang teako kaluppai pappakainga'Na Allata'ala, ia Napassareanga mae ri kau sangkamma mae ri ana'-ana'Na! Nakana Allata'ala, “AnakKu, parhatikangi baji'-baji' pangngajara'Na Batara, nutea la'ba' pa'maiki punna Nakalarroiko.

IBRANI 12:5 Iomraidhean Croise

AYUB 34:31

O, Ayub, apaka le'ba'mi numangakui dosanu mae ri Allata'ala? Le'ba' mako a'janji talanugaukangnga pole dosaya?

PAMMUJI 118:18

Le'baka' nasessa terasa' Batara, mingka tena Napassareanga' mae ri kamateanga.

PAMMUJI 119:109

Tuli kubotori nyawaku, mingka tena nakukaluppai hukkunTa.

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

PAMMUJI 119:67

Ri tenanapa nihukkunga', ammengka sala', anne kamma anna'gala' jarre'ma' ri parentaTa.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PAMMUJI 119:83

Akkapurru'mi bukkulengku sanrapang pammoneang anggoro' toa, mingka tena nakukaluppai katantuanTa.

PAMMUJI 94:12

Mate'nei tau Kiajaraka, o, Batara, tau Kiajaraka hukkung-hukkunTa.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

PANGNGEBARANG 4:5

A'jariko tau cara'de siagang tau tarang pikkirannu! Tuli u'rangi sikamma pappakaingakku siagang teako pelakki.”

YEREMIA 31:18

Kulangngereki umma' Israel a'bicara lalang kapacceang, angkana, ‘O Batara, ikambe rapammi olo'-olo' tenayapa nipa'jari annabai mingka Kilati ummatTa untu' mannuruki, na kamma-kamma anne sadiami ikambe untu' ammotere' mae ri Katte. Jari, erammi ikambe ammotere', o Batara, Allata'alana ikambe.

PIRAUNG 3:39

Angngapa namusti akkunrareng taua punna nihukkung lanri dosa-dosana?

LUKAS 24:6

Tenami anrinni, nasaba' attallasa' poleammi! U'rangi apa le'baka Napau ri kau ngaseng, ri wattunna nia' ija ri Galilea,

LUKAS 24:8

Nau'rangimi anjo bai'-bainea apa le'baka Napau Isa.

1 KORINTUS 11:32

Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

IBRANI 12:7

Parallui nutarima paccambo' battua ri Allata'ala salaku pangngajara' battua ri manggenu. Nasaba' niakka ana' tale'baka nihukkung ri manggena?

IBRANI 13:22

Kupalaki sollanna nuparhatikang anne sikamma pappakaingakku siagang sa'bara', nasaba' tenaja nala'bu dudu anne surakku.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.