IBRANI 12:26 - KITTA' MATANGKASA'

²⁶ Anjo wattua nipata'bangkai linoa ri sa'ranNa. Mingka kamma-kamma anne a'janjimi pole Nakana, “LaKupata'bangka iji sikalipi pole, teai linoa bawang, mingka langika pole.”

IBRANI 12:26 Iomraidhean Croise

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

YESAYA 13:13

LaKupannekkereki langika siagang lata'ge'gosoki buttaya battu ri tampa'na ri wattunna Kupappicinikang larroKu, Batara Kaminang Makoasaya.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

IBRANI 12:27

Bicara angkanaya “sikalipi pole” Napa'nassai angkanaya lanigoccangi siagang lanipelaki sikontu lino le'baka nipare', sa'genna ia mami ammantang sikamma tenaya nakkulle ta'goccang.

HAKING-HAKING 5:4

Ri wattu a'lampanu battu ri Seir, o Batara, na Kibokoi daera Edom, ma'gioki buttaya, tassungkei passolongang langika, na natu'gurammo je'ne'na rammanga.