IBRANI 12:19 - KITTA' MATANGKASA'

¹⁹ andallekangi ke'nanga sa'ra tarompe', siagang sa'ra teai sipatoka heba'na. Ri wattunna nalangngere' anjo sa'raya, napala' dudumi ke'nanga sollanna tenamo na'bicara pole anjo sa'ra-sa'raya mae ri ke'nanga.

IBRANI 12:19 Iomraidhean Croise

KALAPPASSANG 20:22

Naparentakangi Batara mae ri Musa sollanna napabattu mae ri bansa Israel angkana, “Nucini' ngasemmi antekamma iNakke, Batara, a'bicara mae ri kau battu rate ri langika.

MATIUS 24:31

Nipasa'rami tarompe' lompoa. Na Nasuromo malaeka'-malaeka'Na Ana' Ma'rupataua ampa'rappungangi umma'Na battu ri sikontu linoa, battu raya sa'genna kalau', kammayatompa battu timboro' sa'genna wara'.”

1 KORINTUS 15:52

Tanisanna-sannayai nalakajariang silalonna, ri wattunna kala'busang assa'ra tarompeka. Nasaba' ri wattunna assa'ra anjo tarompeka, lanipattallasa' poleammi ammotere' tau matea a'jari tubu mannannungang, siagang lanipinra ngasengki'.

PAOLE 18:16

Ri wattunnu asse're ri Moncong Sinai, nupalaki sollanna tenamo nanulangngereki Karaeng Allata'alanu a'bicara mae ri kau, siagang tenamo nanuciniki pole kahaderanNa lalang ri pepe' a'rinra-rinraya, lanri mallakko mate.

PAOLE 4:11

Caritai mae ri ana'-ana'nu antekamma batenu battu siagang ammenteng ri bangkenna anjo moncong nitongkoka ri umbu sassanga rapang rammang kapalaka siagang a'rinraya pepe'na sa'genna nai' ri langika.

PAOLE 4:12

Nampa a'bicara Batara mae ri kau lalang ri pepeka; nulangngereki sa'ranNa mingka tena sikali nanuciniki.

PAOLE 4:33

Le'bakika nia' bansa akkulle iji attallasa' baku' le'ba'na nalangngere' angkanaya nia' allata'ala a'bicara mae ri ke'nanga battu lalang ri pepeka, sangkamma le'baka nukasia'?

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.