IBRANI 12:18 - KITTA' MATANGKASA'

¹⁸ Tena nasangkamma apa-apa nudallekanga siagang apa-apa nadallekanga bansa Israel riolo. Nasaba' ia ke'nanga andallekangi apa akkullea nita'gala', iamintu Bulu' Sinai siagang pepe'na a'rinra-rinraya; andallekangi ke'nanga sassang makkappu' siagang anging lompo;

IBRANI 12:18 Iomraidhean Croise

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

ROMA 6:14

Takkullea mako nikoasai ri dosaya, nasaba' tenamo nurawanganna hukkung-hukkung agama Yahudia attallasa', passangalinna irawanganna mako pangngamaseanNa Allata'ala.

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

2 KORINTUS 3:7

Ri wattunna nipare' siagang niukiri' anjo parjanjiang angngeranga kamateang ri batua, accayami singara' kalompoanNa Allata'ala ri rupanna Musa. Teai sipato' accayana anjo singaraka, sa'genna takkulleai bansa Israelka anciniki rupanna Musa; manna pole nappakkaramulamo a'jari kurang accaya ammotere' rupanna Musa anjo wattua. Jari, punna kamma anjo lompona singaraka nipake ampareki anjo parjanjiang appamatea,

2 KORINTUS 3:9

Punna kamma anjo lompona cayana parjanjiang anghukkungai rupataua, tantu la'bi lompoangangi pole cayana anjo parjanjiang akkullea ampakabajiki ammotere' passisambunganna rupataua mae ri Allata'ala.

PAOLE 4:11

Caritai mae ri ana'-ana'nu antekamma batenu battu siagang ammenteng ri bangkenna anjo moncong nitongkoka ri umbu sassanga rapang rammang kapalaka siagang a'rinraya pepe'na sa'genna nai' ri langika.

PAOLE 5:5

Mingka lanri mallakko ri pepeka siagang tena nubarani angngambi' ri monconga, jari anjo wattua ammentenga' ri alla'nu siagang Batara untu' ampabattui kananNa Batara mae ri kau ngaseng.

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.