IBRANI 12:14 - KITTA' MATANGKASA'

¹⁴ Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

IBRANI 12:14 Iomraidhean Croise

PA'JARIANG 32:30

Le'baki anjo nakanamo Yakub, “Le'ba'ma' assibuntulu' rupa siagang Allata'ala kunampa attallasa' ija.” Lanri kammana naaremmi anjo tampaka Pniel.

AYUB 19:26

Manna bokka'-bokka' siagang reppe'-reppe' bukkulengku, mingka lalang nia'na ija tubuku, laccinika' mae ri Allata'ala.

AYUB 33:26

Punna appala' doangi, lanikamaseangi ri Allata'ala, na lamammujimo mae ri Allata'ala siagang rannu pa'mai' siagang lanipoterammi a'jari baji' tallasa'na ri Allata'ala.

PAMMUJI 120:6

Sukku'mi sallona kusa'ring ammantang siagang tau tenaya nangai passiamakkanga.

PAMMUJI 133:1

Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!

PAMMUJI 34:14

Teako appasuluki kana-kana ja'dala', siagang teako nungai akkala' annipua.

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

PAMMUJI 94:15

Nalanipaenteng poleammo hukkunga ri pangadelanga, sikontu tau lambusuka nasitujui ngasengi.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

PANGNGEBARANG 16:7

Punna nupakasannang pa'mai'Na Batara, musu-musunnu laNapa'jari agangi.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

YESAYA 51:1

Nakana Batara: “PilangngeriA', he ikau ngaseng tau eroka nipasalama' siagang battua mae ri Nakke appala' pannulung. U'rangi angkanaya battu ri moncong batu kemaeko nipa', siagang battu ri pangngekeang batu kemaeko nikeke.

MARKUS 9:50

Anjo ce'laya bajiki; mingka punna a'jari la'bamo, maka akkulle iji nipa'jari ce'la poleang? Jari paralluko sanrapang ce'laya. Sikatutuiko lalang ri tallasa'nu.”

LUKAS 1:75

kitamalla'-mallaka, kituli anynyomba ri Ia, ampakasannangi atinNa lalang sikontu tallasatta.

ROMA 12:18

Usahakangi sollannu akkulle assiama' ngaseng siagang taua lalang tallasa'nu.

ROMA 14:19

Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

ROMA 6:22

Mingka kamma-kamma anne nilappassang mako battu ri dosa-dosaya, siagang a'jari mako atanNa Allata'ala. Naia passawallang nugappaya iamintu angkanaya nupassareammi tallasa'nu mae ri Allata'ala, siagang iaminjo langngerang wassele' katallassang sitojennaya siagang katallassang satunggu-tunggua.

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

GALATIA 3:21

Jari maka assisalai anjo hukkung agamaya siagang janjinNa Allata'ala? Tantu tena! Nasaba' punna lanri akkullena natallasi rupataua nanipassareang anjo hukkung agamaya, tantu akkullemi assibajiki rupataua siagang Allata'ala tete ri anjo hukkung agamaya.

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

FILIPI 3:12

Mingka tena nakuangkana kugappami wasseleka, yareka a'jari sukku'ma'. Passangalinna tulusu' kuusahai sollanna akkulle kugappa hadia Napasadiaya Isa Almasi. Iaminjo saba'na naNaallea' nampa Napa'jaria' taunNa.

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

1 TESALONIKA 4:7

Nakiokki' Allata'ala, teai sollanta a'gau' bawang lalang ri katallassanta, passangalinna sollanta attallasa' mappakasannang mae ri atinNa Allata'ala.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

1 TIMOTIUS 6:11

Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

2 TIMOTIUS 2:22

Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.

IBRANI 12:10

Punna naajarakki' tau toata ri anne linoa nia' batasa'na, situru' apa nakanaya baji' ke'nanga. Mingka punna Naajarakki' Allata'ala, anjo untu' kabajikang kalenta tonji, sollanta akkulle turu' siagang Ia a'jari matangkasa'.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

1 PETRUS 3:11

Musti napakabellai kalenna battu ri kaja'dallanga nanagaukang kabajikanga; parallui appattujuang tojeng-tojeng untu' anggappai passiamakkanga.

1 PETRUS 3:13

Inaika ero' a'gau' ja'dala' mae ri kau, punna nungai a'gau' bajika?

2 PETRUS 3:11

Nasaba' yangasenna anjo sikammaya laniancuru' kammai anjo batena, antekammami batenu musti attallasa'? Jari musti nutangkasimi katallassannu ri dallekanNa Allata'ala, siagang mappilangngeri mako mae ri Ia,

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

3 YOHANES 1:11

Sari'battangku, sannaka kukarimangnginna; teako turuki apa-apa kodia. Iamo apa-apa bajika nuturuki. Inai-nai a'gau' baji', iami anjo taua tau battu ri Allata'ala. Na inai-nai a'gau' ja'dala', ma'nassa tenapa nale'ba' sibuntulu' siagang Allata'ala.

HAKING-HAKING 11:14

Nasuromi pole Yefta mange ri karaeng Amon,