IBRANI 11:34 - KITTA' MATANGKASA'

³⁴ nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

IBRANI 11:34 Iomraidhean Croise

1 KARAENG-KARAENG 19:1

Nacaritami Karaeng Ahab mae ri bainenna, sikontu apa le'baka nagaukang Elia, kammayatompa antekamma batena Elia ambuno ngasengi sikontu na'bi Baal.

1 KARAENG-KARAENG 19:3

A'jari malla'mi Elia, sa'genna lari sollanna tena nibunoi. A'lampai siagang palayanna mange ri Bersyeba ri Yehuda. Anjoreng naboli'mi anjo palayanna,

2 KARAENG-KARAENG 6:1

Ri se'reang allo anjo na'bi-na'bi naajaraka Elisa, akkunrarengi ri ia. Nakana ke'nanga, “Anne pammantanganta sanna' seppa'na.

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

AYUB 42:10

Nampa, ri le'ba'namo Ayub appala' doang untu' anjo tallua aganna, nipa'jari kalumanynyammi ammotere' ri Batara; a'lappi ruami kakalumanynyanganna na rioloa.

AYUB 5:20

Punna battu kacipuranga, tena nulamate cipuru'. Punna kajariang bundu' appakamallaka, amangko battu ri kamateanga.

PAMMUJI 124:7

Sanrapangki' jangang-jangang lappasaka battu patannang sikkoka, tappu'mi anjo sikkoka, nakilappasa'mo!

PAMMUJI 144:10

Kisarei pammetang sikamma karaenga, siagang Kilappassang atanTa Daud.

PAMMUJI 6:8

Tabajikami paccinikku napakamma si'na nanremeng-remeng lanri musu-musungku.

PAMMUJI 66:12

Kibalang parekangi ikambe nionjo'-onjokang ri musua; a'limbangi ikambe ri a'baya siagang pepeka. Mingka kamma-kamma anne Kierammi ikambe mange ri tampa' copponga.

KALAPPASSANG 18:4

ana' makaruaya niarengi Eliezer, lanri nakanana Musa, “Allata'ala nipakalompoa ri boe-boeku le'ba' antulunga' siagang ampasalamaka' sa'gengku tanibunoa ri karaeng Mesir.”

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

YEREMIA 26:24

Mingka kamma-kamma anne lanri pannulunna Ahikam ana'na Safan, inakke Yeremia, tena nipassareanga' mae ri ra'yaka untu' nibuno.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

1 PETRUS 4:12

Sikamma sari'battangku, sannaka kukarimangnginna! Kamma-kamma anne sanna' sessanu lanri niujiko. Mingka teako lannasakki, sangkamma angkana nia' apa sanna' heba'na kajariang mae ri kalennu.

HAKING-HAKING 15:8

Nampa nabundukimo siagang nasessa-sessami ke'nanga. Jaimi tau ri ke'nanga nabuno. Le'baki anjo, a'lampami mange ammantang ilalang ri se'reang kali'bong batu, irate ri bulu' batua ri Etam.

1 SAMUEL 18:11

Appikkiri'mi Saul angkana, “Kupatintimmi anne pokea mae ri kalenna Daud sa'genna tattinting antama' ri rinringa!” Nampa napasambilamo anjo pokea sa'genna pinruang mae ri kalenna Daud, mingka akkullei napasala Daud.

1 SAMUEL 19:10

Nampa nausahakammo Saul ampatintingi pokena ri kalenna Daud ia niaka ri ampi'na rinringa. Mingka a'lili Daud, sa'genna tattinting anjo pokea ri rinringa. Larimi Daud untu' ampasalamaki kalenna.

1 SAMUEL 20:1

Jari larimi Daud battu ri ampi'na Rama nampa a'lampa mange angngagangi Yonatan sibuntulu'. Nampa akkuta'nang angkana, “Apa kasalangku. Kaja'dallang apa le'ba' kugaukang siagang apa dosaku mae ri manggenu sa'genna ero' ambunoa'?”