IBRANI 11:23 - KITTA' MATANGKASA'

²³ Lanri tappa'na, nanicokkomo Musa ri tau toana tallum bulang sallona ri wattunna beru nilassukang. Niciniki ri tau toana angkanaya sanna' ga'gana anjo anaka, siagang tena namalla' ke'nanga ambalang parekangi parentana karaenga.

IBRANI 11:23 Iomraidhean Croise

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.

PAMMUJI 56:4

Ri wattungku malla', manrannuanga' ri Katte.

KALAPPASSANG 1:16

Nakana Karaeng Mesir, “Punna nutulung tubaine Ibrania ammana', u'rangi anne: Punna ana' bura'ne anjo nalassukanga, bunoi! Punna baine anjo nalassukanga, lappassammi attallasa'.”

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 51:7

PilangngeriA', he bansaKu, nuassengi apa annabaya; ajarangKu nuboliki lalang ri atinnu. Teako mallakki punna nicau-cauko ri rupataua, teako lussakki punna nahinako ke'nanga.

DANIEL 6:10

Jari natekemmi Karaeng Darius anjo sura' parentaya.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

LAMPA-LAMPANA 7:20

Iaminjo wattua nanilassukangi Musa; sanna' ga'gana ri wattunna ana' lolo. Tallum bulangi sallona niparakai cokko-cokko ri balla'na tau toana;

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”