IBRANI 11:14 - KITTA' MATANGKASA'

¹⁴ Sikamma tau akkana kammaya napakasingara' baji'mi angkanaya a'boyai ke'nanga pa'rasangang lanapa'jaria butta pa'rasanganna ke'nanga.

IBRANI 11:14 Iomraidhean Croise

KALAPPASSANG 2:22

Ammana'mi Zipora sitau ana' bura'ne. Naaremmi Gerson anjo anaka, lanri napikkiriki Musa angkanaya, “Inakke anne tubattu-battua' mae anrinni.”

2 KORINTUS 4:18

Nasaba' teai apa-apa kacinikanga napacciniki ikambe, passangalinna apa-apa tenaya nakacinikang. Anjo apa-apa kacinikanga poro sinampe'ji akkulle attahang; mingka anjo apa-apa tenaya nakacinikang attahangi sa'genna satunggu-tungguna.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

IBRANI 11:13

Sikamma anjo ke'nanga tappa' ngasengi sa'genna mate. Tenapa natarimai ke'nanga anjo apa-apa Napa'janjianga Allata'ala, mingka poro nacini' bellaji ri pa'mai'na ke'nanga siagang panrannuang. Nalalang kammana anjo napappicinikammi ke'nanga angkanaya poro tau battu-battuji ke'nanga ri anne linoa.

IBRANI 11:15

Teai anjo pa'rasangang le'baka nabokoi nanawa-nawa ke'nanga. Nasaba' punna kamma, jaimi kasampatanna ke'nanga untu' lammotere' ri anjo pa'rasanganga.

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

IBRANI 13:14

Nasaba' tena pammantanganta untu' satunggu-tungguna ri lino; ikatte a'boyaki' pammantangang untu' labattua.