IBRANI 10:39 - KITTA' MATANGKASA'

³⁹ Ikatte anne teaiki' umma' ammono'bokoa siagang sala oloanga. Mingka ikatte umma' matappakki' mae ri Allata'ala siagang nipasalamaka ri Allata'ala.

IBRANI 10:39 Iomraidhean Croise

PAMMUJI 44:18

Yangasennami anjo antujui ikambe manna natenaja natakkaluppa ikambe mae ri Katte yareka angkaluppai parjanjianTa siagang ikambe.

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

MARKUS 16:16

Na inai-nai tatappaka, lanihukkungi. Mingka inai-nai tappa' na nije'ne', iami lanipasalama'.

LUKAS 11:26

Jari a'lampami pole mange akkio' agang, iamintu tuju roh sannakkanganga ja'dala'na nakalenna. Nampa antama'mo ke'nanga ammantang ri kalenna anjo taua. Kale'bakkanna, a'jari sannakkangammi ja'dala'na siagang kodina sipa'na anjo taua.”

YOHANES 17:12

Ri wattu niakKu ija assiagang ke'nanga, Kujagaimi ke'nanga ilalang kakoasanna arenTa – iamintu areng Kipassareanga mae ri Nakke. Le'ba'mi Kujagai ke'nanga, sa'genna tena sikali tappela' manna sitau, pantaranganna ia musti tappela' memanga; sollanna ilalang ri kammana anjo na'rupamo apa niaka tattulisi' lalang ri Kittaka.

YOHANES 20:31

Mingka nitulisi'mi sikammaya anne niaka nitulisi', sollannu tappa' ngaseng angkanaya Isa Iami Karaeng Mappasalama', Ana'Na Allata'ala; na lanri tappa'nu ri Ia, nanugappamo katallassanga.

YOHANES 5:24

Ma'nassa kontutojengi anne kana-kanangKu: Inai-nai amparhatikangi kana-kanangKu, siagang tappaki mae ri Ia assuroA' battu, ma'nassa nagappami katallassang mannannunganga. Tenamo nalanihukkung; ta'lappasa'mi battu ri kamateanga nanagappa katallassanga.

YOHANES 6:40

Memang, iaminne Nakaerokanga ManggeKu: Sikamma tau ancinikai Anaka na tappa' ri Ia, nagappami katallassang satunggu-tunggua, siagang laKupattallasa' poleangi sallang ri Allo Kiamaka.”

1 TESALONIKA 5:9

Napileki' Allata'ala teai sollanta Natuju pangngalarroiNa, passangalinna sollanna akkulle nigappa kasalamakkanga tete ri Batarata Isa Almasi.

2 TESALONIKA 2:3

Mingka manna antekamma, teako eroki nitipu ri taua. Nasaba' ri tenanapa nabattu anjo Alloa, musti nia' apa-apa kajariang la'bi riolo: Jai tau lammono'boko, ansassali Almasi; siagang Tau Ja'dala' le'baka nipattantu lantama' ri naraka, laniaki ampappicinikangi kalenna.

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.

IBRANI 10:26

Nasaba' punna le'ba'mo nipabattu biritta tojenga battua ri Allata'ala mae ri katte, mingka tuli nipakkunjungianna nigaukang dosaya, tenamo koro'bang lakkulle antangkasi dosata.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

IBRANI 11:1

Tappa' battuanna matappa' tojeng-tojeng mae ri apa-apa nirannuanga; battuanna mattantumi panrannuanta ri apa-apa tanicinika.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

2 PETRUS 3:7

Mingka anne langika siagang buttaya ri kamma-kammaya anne, niparakaia todong siagang kananNa Allata'ala, laniancuru' tongi sallang siagang pepe'. Kamma-kamma anne niparakai iji langika siagang buttaya sa'genna narapi' allonna lanihukkung siagang niancuru' sikontu tau tenaya natappa' ri Allata'ala.

1 YOHANES 5:16

Punna nia' nucini' parannu tu Karisteng a'gau' dosa natenaja nangngerang kamateang, paralluko appala' doang ri Allata'ala; nalanisaremo katallassang anjo taua. Anne natabaya iamintu tau a'gau' dosaya, mingka tenaja nangngerang kamateang. Mingka nia' gau' dosa angngerang kamateang; tena nakukana musti appala' doangko mae ri Allata'ala lanri anjo passalaka.

1 YOHANES 5:5

Inaika akkulle ambetai lino ja'dalaka? Iaji bawang tau tappaka angkanaya anjo Isa, Iami Ana'Na Allata'ala.

PAPPICINI' 17:11

Na anjo olo'-olo' le'baka attallasa', mingka tenamo kamma-kamma anne, iaminjo karaeng makasagantujua. Battu ri kalase'renna tonji ri anjo tujua karaeng, a'lampayamo kamma-kamma anne mange ri kapanrakanga.

PAPPICINI' 17:8

Anjo olo'-oloka le'baki attallasa' pirangalloang, mingka kamma-kamma anne tenamo nattallasa'. Sinampe' mami nassulu'mo battu ri tubiri'na kamateanga nampa mange ri kapanrakanga. Sikamma tau attallasaka ri lino, natena tattulisi' arenna lalang Kitta' Tau Attallasaka ri wattu tenanapa nanipa'jari linoa, lalannasaki ri wattunna nacini' anjo olo'-oloka. Nasaba' le'baki attallasa' anjo olo'-oloka pirangalloang. Kamma-kamma anne tenamo nattallasa', mingka lammumba poleangi ammotere'.

1 SAMUEL 15:11

“Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.