IBRANI 10:22 - KITTA' MATANGKASA'

²² Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 10:22 Iomraidhean Croise

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.

PAMMUJI 119:10

Lalang sibatu pa'maikku kuusahai angngassengKi', teaKi' lappassangngia' andakkai parentaTa.

PAMMUJI 119:145

Akkioka' mae ri Katte siagang sibatu pa'maikku; Kipiali laloa', o, Batara, erokka' mannuruki ri parentaTa.

PAMMUJI 119:2

Mate'nei tau anturukiai parentaNa, siagang sibatu pa'mai'na usaha angngassengi Batara.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

PAMMUJI 119:58

Sibatu pa'maikku appala' pangngamaseanTa Kikamaseang laloa' situru' janjinTa.

PAMMUJI 119:69

Tau borroa napitina', mingka mannurukia' ri kaputusanTa sibatu pa'maikku.

PAMMUJI 119:7

Punna kupilajari kaputusang adeletTa, mammujia' mae ri Katte situlusu' pa'maikku.

PAMMUJI 119:80

Poro tena nammengka pa'maikku battu ri katantuanTa, sollanna tena kunggappa siri'.

PAMMUJI 32:11

He, sikamma tu bajika, rannu mako siagang ma'reja-reja mako lanri apa le'baka Nagaukang Batara. Akkio' rannu mako, he sikontu tu lambusu' pa'maika!

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

PAMMUJI 73:28

Mingka untu' inakke tamaka baji'na ma'reppeseka mae ri Allata'ala, Karaeng Allata'ala kupa'jari tampa' pa'la'langangku, sollanna akkulle kukabarrang sikontu panggaukanNa.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 9:1

Untu' pamimping pakelong. Situru' lagu Mut-Laben. Pammujina Daud.

PAMMUJI 94:15

Nalanipaenteng poleammo hukkunga ri pangadelanga, sikontu tau lambusuka nasitujui ngasengi.

KALAPPASSANG 29:4

Suroi Harun siagang ana'-ana'na battu ri pakke'bu' KemaKu siagang natangkasi kalenna.

PANGNGEBARANG 23:26

Parhatikangi baji'-baji', siagang contoi tallasa'na, ana'!

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YESAYA 52:15

Mingka kamma-kamma anne jai bansa napa'jari lannasa', lannasa'mi siagang takkulleami akkana sikamma karaenga napakamma. Lanaciniki ke'nanga siagang lanapahangi, apa tenaya naassengi riolo.”

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

KAIMANGNGANG 14:7

Imanga musti napiracciki anjo tau ammolleamo siagang cera'na anjo jangang-janganga sa'genna pintuju; le'baki anjo nibilang tangkasa'mi anjo taua.

KAIMANGNGANG 16:4

Nampa pole musti naparhatikangi Harun anne paratorang-paratoranga. Ri wattu tenanapa nantama' ri Kamara' Kaminang Matangkasaka musti a'je'neki, nampa napake pakeang imanga, iamintu baju, saluara' bodo, passikko' aya' siagang soro'bang, yangasenna battu ri lenang.

KAIMANGNGANG 8:6

Nampa nasuro Harun siagang ana'-ana'na maju mae ri dallekang na natangkasi massing kalenna.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

PAMMILANGNGANG 8:7

iamintu kammaya anne carana: piracciki ke'nanga siagang je'ne' untu' upacara pannangkasi siagang suroi ke'nanga ancukkuruki sikontu batangkalenna ke'nanga siagang ansassai pakeanna ke'nanga. Kammaminjo na natangkasi kalenna ke'nanga.

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

LUKAS 1:1

Natarimai tu nipakala'birikku Teofilus, Iaji kupabattuangki' angkanaya, jaimi tau le'ba' ansusung bajiki siagang antulisiki sikamma apa le'baka kajariang ri tangnga-tangngata.

YOHANES 3:5

Appialimi Isa Nakana, “Kontu tojeng sikali anne kanangKu: punna tena nilassukang poleangi battu ri je'neka siagang RohNa Allata'ala, takkulleai taua a'jari umma'Na Allata'ala.

YOHANES 8:9

Nalangngere'na ke'nanga akkana kamma Isa, a'lampa tasse're-se'remi ke'nanga ambokoi anjo tampaka, appakkaramula kaminang toaya. Kala'busanna Isa mami ammantang siagang anjo bainea ammenteng ri pammentenganna.

LAMPA-LAMPANA 22:16

Kamma-kamma anne tea' mako sallo-salloi pole attayang. Ambangung mako nai', nanupassareang kalennu nije'ne'. Appala' popporo' mako mae ri Batara, sollannu nipammopporang ri dosa-dosanu.’ ”

LAMPA-LAMPANA 8:21

Tena ha'nu kau lamminawang lalang ri jama-jamanna ikambe, nasaba' talambusai atinnu mae ri Allata'ala.

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

EFESUS 3:12

Lanri tappatta mae ri Almasi, siagang lanri asse'retamo siagang Ia, Nasaremaki' kabebasang untu' a'reppese' mae ri Allata'ala siagang tappa' majarre'.

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

EFESUS 6:5

Ikau a'jari pajamaya! Turuki parentana pinggawanu ri anne linoa. Gaukangi anjo parentana siagang lompo pangngali', malla', kammayatompa attojeng-tojeng, sanrapang angkanaya anjo sikammaya nugaukangi mae ri KalenNa Almasi.

1 TIMOTIUS 4:2

napabattua tau munapeka siagang tau paballe-ballea. A'jari sassammi ati mailalanna anjo tau kammaya.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

IBRANI 10:1

Anjo hukkung agama Yahudia, poro pangngebarang bawang mae ri katte ri apa-apa baji' labattua; teaipi sitojennaya ri anjo passalaka. Taung-taungi tuli sakamma-kammana anjo koro'bang nipassareanga. Jari, antekamma batena lakkulle anjo hukkung kammaya siagang koro'bang kammaya ampasukkuki tangkasa'na tau battua anynyomba mae ri Allata'ala?

IBRANI 10:19

Jari sari'battangku ngaseng, kamma-kamma anne barani maki' antama' ri Kamara' Kaminang Matangkasaka, lanri kamateanNa Isa.

IBRANI 11:28

Lanri tappa'na nappare'mo Passua'-suarrang untu' Allo Kalappassang; siagang nasuro ba'basa'mi cera' olo'-olo' sikamma tompo' pakke'bu'na tu Israelka, sollanna tanibunoa ana' bungasa'na ke'nanga ri Malaeka' Paalle Nyawaya.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.

IBRANI 6:11

Kikellai sollanna tuli massing lompo sumanga'nu sa'genna kala'busang, sa'genna akkulle nutarima anjo apa-apa numinasaia.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

IBRANI 9:19

Uru-urua napabattui Musa sikontu anjo hukkung Napassuroanga Allata'ala mae ri bansa Israelka. Le'baki anjo, angngallemi Musa cera' sapi rungka siagang cera' bembe laki. Nampa nacampuru' siagang je'ne', nampa napaba'basa' mange ri Kitta' Hukkung-hukkung battua ri Allata'ala siagang mange ri sikontu bansa Israelka. Ruku'-ruku' siagang bulu gimbala' eja toaya tanja'na napaba'basa'.

YAKOBUS 1:6

Inai-nai appala', musti tappaki appala'; takkulleai bata-bata. Nasaba' inai-nai bata-bata, sanrapangi bombang ri tamparang nairika anging anrai'-kalau'.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.