IBRANI 1:4 - KITTA' MATANGKASA'

⁴ Anjo Anaka nisarei empoang tinggianganga na malaekaka; kammayatompa nisarei ri Allata'ala areng bellaya la'biri'na na areng nipassareanga mae ri malaekaka.

IBRANI 1:4 Iomraidhean Croise

EFESUS 1:21

Bella tinggina anjo empoanNa Almasi na empoanna sikontu pamarentaya, sikontu tukoasaya, sikontu pamimpinga, sikontu karaenga, yareka inai-nai mamo le'baka nisare empoang tinggi; baji' ia attallasaka ri anne jammanga, kammayatompa ia attallasaka ri jammang labattua.

KOLOSE 1:18

Iami a'jari ulu mae ri KalenNa, iamintu jama'aka; lanri Iami assarei katallassang anjo jama'aka. Iami a'jari ana' bungasa', uru-uru nipattallasa' poleanga ammotere' battu ri kamateanga; sollanna Ia mami bawang a'jari kaminang parallu ilalang ri sikontu katallassanga.

KOLOSE 2:10

Na lanri asse'renamo katallassannu siagang Almasi, nisare tommako katallassang sukkuka. Nasaba' Almasi a'jari kapala mae ri sikontu roh-roh makoasaya siagang ammarentaya.

2 TESALONIKA 1:7

Na untu' ikau angkasiakai pa'risika ri kamma-kammaya anne – kammayatompa ri kambe – laNasareki' kasalewangang Allata'ala, punna battu sallang Batara Isa, manaunga battu ri suruga ampa'nyatai KalenNa siagang malaeka'-malaeka' lompoNa

IBRANI 1:9

MangngaiKo ri kaadelanga, birisikKo ri kajekkonganga; iaminjo saba'na, naNapileKo Allata'ala, iamintu Allata'alaNu, na Nasareko kalompoang, langngeranga karannuang, la'bianganga na agang-aganNu.”

IBRANI 12:17

Nanuassemmo angkanaya ribokoanganna anjo, eroki Esau anggappa barakka' battu ri manggena, mingka tanisareai. Nasaba' manna pole angngarru'-arruki appala' lanapakabaji' anjo kasalanna, mingka tenamo kasampatang.

IBRANI 2:9

Mingka punna Isa, nicini'mi makoasa! Nipa'jarimi irawanganna sike'de' malaekaka untu' wattu sinampekang; sollanna akkulle mate untu' sikontu rupataua, lanri baji' pa'mai'Na Allata'ala. Nicini'mi kamma-kamma anne nisare empoang mala'biri' siagang malompo lanri le'ba'namo Nakasia' sessaya sa'genna mate.

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.