IBRANI 1:1 - KITTA' MATANGKASA'

¹ Ri jammang riolo, a'mole-molemi a'bicara Allata'ala mae ri boe-boeta. A'bicarami tete ri na'bi-na'bia, siagang a'rupa-rupami cara Napake a'bicara.

IBRANI 1:1 Iomraidhean Croise

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

PA'JARIANG 6:3

Nakanamo Batara, “Tena naKupa'biangi rupataua attallasa' satunggu-tungguna; musti matei ke'nanga. Appakkaramula ri kamma-kammaya anne tenamo nakkulle la'bi ri 120 taung umuru'na.”

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

LUKAS 1:55

Batara tamakkaluppa ri janjinNa baji' ati ri Abraham na sossorang satungguna.”

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

LUKAS 24:27

Le'baki anjo nipakasingariammi ri Isa ke'nanga, sikamma apa le'baka tattulisi' lalang ri Kittaka, ansero kanayai KalenNa. Napakasingara'mi appakkaramula battu ri kitta'-kitta'na Musa sa'genna kitta'na na'bi-na'bia.

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

YOHANES 16:13

Mingka punna battumo RohNa Allata'ala, iamintu ampa'nyatai katojenganNa Allata'ala, laniajara' mako angngassengi sikontu katojenganga. Tena nabattu ri KalenNa bawang nala'bicara, mingka apa-apa le'ba' Nalangngere' iaminjo Nabicara. Kammayatompa laNapauang tongko apa lakajarianga sallang ri allo ri boko.

YOHANES 7:22

Nasareko parenta Na'bi Musa sollannu assunna' – manna nasikontutojenna anjo sunnaka teai atorang battu ri Na'bi Musa, passangalinna atorang battu ri boe-boenu ri tenanapa nabattu Na'bi Musa. Lanri kammana, manna ri allo Pammari-marianga ero' tonjako ansunnaki taua.

YOHANES 9:29

Naassemmi ikambe angkanaya le'ba'mi a'bicara Allata'ala mae ri Musa. Mingka passala'na anjo taua, tanaassengai ikambe angkanaya tau battu kemae assala'Na.”

LAMPA-LAMPANA 13:32

Jari, kamma-kamma anne napabattumi ikambe anjo Kabara' Bajika mae ri kau ngaseng: Anjo apa le'baka Napa'janjiang Allata'ala mae ri boe-boeta,

LAMPA-LAMPANA 2:30

Le'ba'mi a'janji siagang assumpa Allata'ala mae ri Daud, angkanaya nia' sallang kalase'renna sossoranna Daud laniangka' ri Allata'ala a'jari karaeng. Lanri naassenna Daud anjo janjia, siagang ia na'bi tongi,

LAMPA-LAMPANA 28:23

Jari appattantumi ke'nanga siagang Paulus se're allo untu' a'rappungang pole. Anjo alloa jai tau battu mange ri pammantanganna Paulus. Battu ri bari'basa' sa'genna karueng napakasingara'mi siagang napabattumi Paulus anjo biritta battua ri Allata'ala siagang Pamarentahanna. Napakemi Paulus apa-apa niaka tattulisi' lalang ri Kitta'na Musa siagang Kitta'na Na'bi-na'bia, ampakasingariangi ke'nanga sollanna a'jari tappa' ke'nanga mae ri Isa.

LAMPA-LAMPANA 3:21

Musti ammantangi ri suruga sa'genna le'ba' ngaseng Napa'jari beru linoa Allata'ala, situru' apa le'baka Napattantu Allata'ala lalang ri na'bi-na'biNa ri jammang riolo.

IBRANI 11:18

Le'baki angkana Allata'ala mae ri Abraham, Nakana, “Battu ri iaminne Ishak lanugappa sossorang le'baka Kupa'janjiang mae ri kau.”

IBRANI 11:2

Nasaba' lanri tappa'na, naningaimo ri Allata'ala tau ri jammang rioloa.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

IBRANI 2:2

Anjo pappasang-pappasang napabattua sikamma malaekaka mae ri boe-boeta a'nyatami angkana ma'nassa tojengi, siagang inai-nai tena napinawangi yareka tena naturuki musti anggappai hukkungang siratannaya.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

IBRANI 3:5

Tamalanreai Musa a'jari palayang lalang ri Balla'Na Allata'ala siagang ampabattui apa-apa laNapa'nyataya Allata'ala sallang ri allo labattua.

IBRANI 4:8

Punna ebara' angkana le'ba'mi naerang Yosua anjo taua antama' ri tampa' pammari-mariang Napa'janjianga Allata'ala, tenamo Nala'bicara pole Allata'ala ri passala' se'reang allo maraeng.

IBRANI 5:5

Kamma tomminjo Almasi. Teai Ia angngangkaki KalenNa a'jari Imang Malompo. Mingka KalenNa Allata'ala angngangkaki. Nakana Allata'ala mae ri Ia, “IKau AnakKu; anne alloa iNakke a'jari Bapa'Nu.”

IBRANI 9:19

Uru-urua napabattui Musa sikontu anjo hukkung Napassuroanga Allata'ala mae ri bansa Israelka. Le'baki anjo, angngallemi Musa cera' sapi rungka siagang cera' bembe laki. Nampa nacampuru' siagang je'ne', nampa napaba'basa' mange ri Kitta' Hukkung-hukkung battua ri Allata'ala siagang mange ri sikontu bansa Israelka. Ruku'-ruku' siagang bulu gimbala' eja toaya tanja'na napaba'basa'.