HOSEA 9:7 - KITTA' MATANGKASA'

⁷ Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

HOSEA 9:7 Iomraidhean Croise

2 KARAENG-KARAENG 9:11

Ammotere'mi Yehu mange ri agang-aganna. Nampa akkuta'nammo ke'nanga ri ia angkana, “Kabara' apa kutadeng? Apa ero'na anjo tau pongoroka mae ri kalennu?” Appialimi Yehu angkana, “Assara-sarai ngasengko antu, nasaba' nuasseng ngasemmi.”

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

YESAYA 34:8

Iaminjo wattunna na Naalleangang Batara Sion siagang Napa'balassang mae ri sikamma musu-musunNa.

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

YEREMIA 11:23

Le'ba'mi Kupattantu wattunna untu' ampaturungi balaya mae ri tu Anatot, siagang punna battumo wattu hukkunganna ke'nanga, manna sitau tania' lata'lappasa'.”

YEREMIA 16:18

LaKubalasaki dosana siagang kaja'dallanna ke'nanga siagang hukkungang a'lappi rua, lanri narantassimi pa'rasangangKu siagang jai barhala. Anjo barhala-barhalaya tena na'nyawa, sangkammai maya'.”

YEREMIA 23:13

Kucini'mi dosana sikamma na'bi-na'bina Samaria. A'bicarai ke'nanga lalang arenna Rewata Baal, siagang napasala oloangi Israel, ummakKu.

YEREMIA 25:14

LaKubalasaki sikamma panggaukanna tu Babel; lanipa'jari atai ke'nanga ri karaeng-karaeng lompoa siagang ri jaia bansa.’ ”

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.

YEREMIA 46:21

Ba'lalo sikamma tantara sewana tena pakkullena sanrapang ana' sapi co'mo' dudua. Takkulleai ke'nanga attahang. Kabusu'na a'gilingi nampa lari sollanna salama'. Battumi allonna ke'nanga lanihukkung; narapi'mi wattunna ke'nanga nituju ri bala.

YEREMIA 6:14

Anjo bokka'-bokka'na ummakKu nakanangi ke'nanga poro bokka' ca'diji bawang. Nakana ke'nanga, ‘Ah, tenangngapa-apa, yangasenna baji'ji siagang amanji.’ Nampa tena sikali nakamma anjo.

YEREMIA 8:11

Bokka'-bokka'na ummakKu nakanai bokka' ca'di bawang. Nakana ke'nanga, ‘Ah, tenangngapa-apa. Baji' ngasenji siagang amanji.’ Nampa sikontutojenna tena nakamma.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEHEZKIEL 13:10

He na'bi-na'bi takontutojenga! Nupa'lingumi ummakKu lanri nupauna angkana yangasenna amangi siagang tena apa-apa. Padahala' tena sikali! UmmakKu ambangummi tembo' battu ri batu bata tenaya najarre' batena attannang, nampa battuko assarei pa'leo'.

YEHEZKIEL 13:3

Nakana Batara Kaminang Tinggia, “Cilakai anjo na'bi-na'bi toloa! Anjo panggappana sangnging pikkirang napare'-pare', siagang anjo paccini'na sangnging balle-balle bawang.

YEHEZKIEL 25:17

LaKuhukkung lompoi ke'nanga siagang laKupa'betteseki larro boli'-bolikKu sa'genna sangga pakkasiakKu. Punna napisa'ringi ke'nanga pangngalarroingKu, naassemmi ke'nanga angkanaya iNakkemi Batara.”

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HOSEA 5:9

Lapanraki tu Israel, nasaba' narapi'mi allonna untu' anghukkungi. Pilangngeri, he ra'ya' Israel, anjo passalaka mattantui lakajarianna.

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

HOSEA 9:8

Nasuroa' Allata'ala salaku na'bi untu' ampakainga' ngasengko ikau umma'Na, mingka manna kemae lampaku tuli appattujuangko antannangngia' sikko' rapang jangang. Ri pa'rasangang KalenNa Allata'ala inakke ngaseng na'bi-na'bia nimusuki' ri ra'yaka.

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

MIKHA 7:4

Manna kaminang bajika siagang kaminang lambusuka battu ri ke'nanga kontumi romang akkatinting tenaya matu-matunna. Narapi'mi wattunna Allata'ala anghukkungi umma'Na sangkamma le'baka Napappakaingakkang mae ri ke'nanga tete ri na'bi-na'bia. Kamma-kamma anne ammumbami karicuanga ri alla'na ke'nanga.

ZEFANYA 3:4

Na'bi-na'bina tena tanggong jawa'na siagang takkulleai nipatappa'; sikamma imanga narantassi apa le'baka nisa'la' untu' Batara siagang naputara' baleki hukkung-hukkunNa Allata'ala untu' kaparalluang kalenna ke'nanga.

MARKUS 3:21

Nakanamo tau jaia, “Pongoro'mi anne taua!” Nalangngere'na bijanNa Isa anjo kajarianga, a'lampami ke'nanga angngallei Isa.

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

2 KORINTUS 5:13

Punna sanrapammo nucini' tau pongoroka ikambe, anjo lanri kaparalluang lamae ri Allata'ala. Na punna baji' nucini' jappana pikkiranna ikambe, anjo lanri kaparalluannu ngaseng.

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.