HOSEA 9:6 - KITTA' MATANGKASA'

⁶ Punna battui balaya, siagang nierang ngasengko mange ri pa'rasangang maraeng, anjo niaka tassesa ammantang battu ri kau ngaseng lanipasse'rei ri tu Mesir untu' nabuno siagang natarawang ri Memfis! Lattimboi rukuka siagang katintinga antongkoki tampa'-tampa' bate balla'nu siagang barang-barang pera'nu tinggia anggaranna.

HOSEA 9:6 Iomraidhean Croise

2 KARAENG-KARAENG 13:7

Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

PANGNGEBARANG 24:31

Ia kucinika anjoreng poro timbo-timboang akkatinting siagang rea bawang. Runtummi kalli' tembo'na.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 19:13

Sangnging tau dongo' ngaseng sikamma pamimpinna Zoan siagang Memfis. Teai ke'nanga pamimping, mingka ba'lalo napalampa salaji bansana.

YESAYA 27:12

Anjo wattua laNaparappungangi Batara bansaNa tasse're-se're battu ri Binanga Efrat sa'genna ri pa'baeng-baenna Mesir. LaNapasisa'laki ke'nanga rapang tau appasisa'laka lisere' gandung battu ri awanna.

YESAYA 32:13

saba' buttana bansaku nitimboi ri rompo' siagang katinting. Iyo, karrukimi sikamma balla'nu nupattampakia assannang-sannang siagang kota rassia kasuarrang!

YESAYA 34:13

Sikamma balla' rewatana siagang kota-kota niaka pattahanganna lanitimboi ri ruku' siagang rompo' katinting, nipammantangngi ri kongkong romang siagang jangang-jangang unta.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YESAYA 7:23

Anjo wattua sikamma koko anggoro' massing nilamungia tassisa'bu poko' anggoro' siagang nianggaraka sisa'bu doe' pera', lanitimboi ri romang katinting.

YEREMIA 2:16

He Israel, nigoncimmi uu'nu ri tu Memfis siagang tu Tahpanhes.

YEREMIA 42:22

Lanri kammana anjo u'rangi: ri anjo pa'rasangang eroka nubattui untu' ammantang, lamateko lalang pa'bundukang, yareka lanri kacipurang, yareka lanri garring.”

YEREMIA 44:1

A'bicarai Batara ri nakke ri passala'na sikontu tu Israel niaka ammantang ri Mesir, iamintu ri kota Migdol, Tahpanhes, Memfis, siagang ri daera timborang.

YEREMIA 44:12

Siagang punna nia' battu ri tu Yehuda ammantanga tassesa, tuli ero'na a'lampa mange ri Mesir untu' ammantang anjoreng, lapanra' kabusuki ke'nanga. Kabusu'na ke'nanga, lompo ca'di, lamatei ri Mesir lalang pa'bundukang yareka lanri kacipurang. Lamallaki taua anciniki ke'nanga, siagang lanihinai ke'nanga ri taua. Arenna ke'nanga lanipakei a'jari pattunra.

YEREMIA 44:13

Sangkamma bateKu anghukkungi Yerusalem, kamma tomminjo bateKu langhukkungi ke'nanga ammantanga ri Mesir. Lamatei ke'nanga lalang pa'bundukang, lanri kacipurang yareka lanri garring.

YEREMIA 46:14

“Yeremia, pa'la'bangi nupau anne kabaraka mae ri kota-kota Mesir, iamintu ri Memfis, Migdol siagang Tahpanhes, angkana, ‘Pasadiai kalennu untu' attahang, lanri sikontu apa-apa niaka ri kau lanipanraki lalang pa'bundukang!

YEREMIA 46:19

Sadia mako pandudu' Mesir, untu' nitahang siagang nierang a'lampa! Memfis la'jari loroi – tampa' sinoa lanri tenamo nipammantangngi.

YEHEZKIEL 30:13

Nakana Batara Kaminang Tinggia, “LaKuancuruki barhala-barhalaya siagang rewata-rewataya ri Memfis. Talaniakkamo pole karaeng ri Mesir. Sikontu pandudu'na laKupa'jari mallaki.

YEHEZKIEL 30:16

siagang anjo kotaya lasanna' sessana. Tojeng, laKutunui Mesir. Tembo'-tembo'na kota Tebe laruntungi, siagang anjo kotaya lanitujui ri a'ba.

HOSEA 10:8

Sikamma balla' rewata niaka ri bulu'-bulu'na Betel tampa'na tu Israel anynyomba barhala, laniancuruki. Katintinga siagang rukuka lattimboi ri tampa' pakkoro'bangnganna ke'nanga. Nampa lammarrang ke'nanga mae ri moncong-monconga angkana, “Tongko'mi ikambe!” siagang mae ri bulu'-buluka angkana, “Tujumi ikambe!”

HOSEA 11:11

Battu ri Mesirki lania' battu ke'nanga sanrapang jangang-janganga linta'na, siagang battu ri Asyur rapang jangang-jangang bodobangkeng. Nampa laKuerang ammotere' ke'nanga mange ri balla'na. INakke, Batara, anne akkana.”

HOSEA 2:6

Lanri kammana anjo laKukurungi lalang ri rompo' akkatintinga, siagang laKujempangi oloanna siagang kalli' tembo'.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

HOSEA 7:13

Cilakai ke'nanga, lanri nabokoiMa' ke'nanga. Laancuruki ke'nanga lanri angngewana mae ri Nakke. ErokKa' ampasalamaki ke'nanga, mingka ibadana ke'nanga mae ri Nakke anu tena nakontutojeng.

HOSEA 7:16

Tulusu' amminawanna ke'nanga ri rewata-rewata tena sikalia koasana. Takkulleai nipattoang ke'nanga, rapang anrong pana akkombeka otere'na. Tampoi a'bicara pamimping-pamimpinna ke'nanga, passala' kammanami anjo nalanibuno ke'nanga siagang pa'dang, na nikakkali ri tu Mesir.”

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

HOSEA 9:3

Ikau ngaseng, he bansa Israel, tena nulammantang tuli ri butta Napassareanga Batara mae ri kau. Musti ammoterekko mange ri Mesir, siagang musti angnganreko kanre harang ri Asyur.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

ZEFANYA 1:11

Appiraungko siagang angngarru' mako ri wattu nulangngere'na anjo sa'ra kammaya, he pandudu' kota bageang irawaya, nasaba' sikontu padangganga siagang tau appappinranga doe' le'ba' kabusu'mi nibuno!

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.