HOSEA 9:2 - KITTA' MATANGKASA'

² Mingka tasalloami nulakakurangang ngaseng ri gandung siagang minynya' zaitun, kammayatompa anggoroka lala'busu' tongi.

HOSEA 9:2 Iomraidhean Croise

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

HOSEA 2:12

LaKuputtai poko'-poko' anggoroka siagang poko'-poko' ara nakanaya passawallang nagappaya battu ri palayananna mae ri sikamma tanrinna. LaKupinrai koko-koko anggoroka siagang koko-koko araya a'jari romang; labattui olo'-olo' sekkeka ampanraki.

HOSEA 2:9

Lanri kammana anjo, ri wattu pakkattoanga sallang laKuallei ammotere' passareKu, iamintu gandung, anggoro', kaeng wol siagang kaeng lenang Kupassareanga mae ri ia untu' pakeanna.

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

HAGAI 2:16

Battumi nucini' pattambungang gandunga, na nurannuang angkanaya langgappako 200 kilo gandung, mingka kale'bakkanna 100 kilo bawang nugappa. A'lampako anynye'ro' 100 litere' anggoro' battu ri gumbang anggoroka, mingka 40 bawang litere' nugappa.