HOSEA 8:7 - KITTA' MATANGKASA'

⁷ UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

HOSEA 8:7 Iomraidhean Croise

PA'JARIANG 41:23

Nampa attimbo pole tuju bulere' gandung sannaka ngaseng roso'na siagang opaya rapponna napakamma anging parang.

2 KARAENG-KARAENG 15:19

Ri wattunna nia' battu Pul iamintu karaeng Asyur ambunduki tu Israel, nisarei ri Menahem 34.000 kilogarang pera' sollanna nibantu Menahem ampakajarreki kakoasanna ammarenta ri Israel.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

AYUB 4:8

Kuassengi battu ri paccinikku, angkanaya tau appa'jekoa ri koko kaja'dallang, siagang appakioro' bala a'jari bine lamungang, lakkattoi cilaka siagang kasusaang!

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

KATO'BA 5:16

Lalang tallasatta, kammaki' tau angngosala' lalang ri sassang, susa-susaki', lussakki', birisikki', siagang pa'risi' pa'maikki'.

YESAYA 17:11

Mingka manna pole naccu'la' memang siagang a'bunga memang ri allo nulamunna, mingka tena nalanugappa wassele'na. Ia lanugappaya iamintu poro kasusaang siagang kapa'risang bawang, tenaya nakkulle tappela'.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”

PIRAUNG 5:2

Barang-barang warisi'na ikambe naallemi tau maraeng, balla'na ikambe tau maraemmi ampammantangngi.

HOSEA 2:9

Lanri kammana anjo, ri wattu pakkattoanga sallang laKuallei ammotere' passareKu, iamintu gandung, anggoro', kaeng wol siagang kaeng lenang Kupassareanga mae ri ia untu' pakeanna.

HOSEA 7:9

Tanaassengai kalenna ke'nanga angkanaya lanri assibengkoro'nami ke'nanga siagang anjo bansa-bansa maraenga, natappela'mo kagassinganna ke'nanga. A'reppese'mi allo kala'busanna riwaya'na ke'nanga, mingka tanaassengai kalenna ke'nanga.

HOSEA 9:16

LaKuhukkungi tu Israel. La'jari ke'nanga sanrapang lamung-lamung tenaya na'rappo, siagang kalotorokamo aka'-aka'na. Takkulleai ke'nanga nia' ana'na; mingka manna pole nania' ana'na ke'nanga, laKubunoi anjo ana'-ana' nakamaseanga.”

NAHUM 1:3

Memang, Batara tena nalinta' larro; mingka sanna' todong makoasaNa sa'genna inai-nai anggaukangi salaya tena nalaNapata'lappasa' battu ri hukkunganga. Kemae-kemae Batara a'jappa, anjorengi ammumba anging lompoa; kemae angngonjo' bangkenNa, anjorengi limbu'buka a'jari rammang.

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

GALATIA 6:7

Teako eroki nitipu. Anjo Allata'ala takkulleai nipakkarek-karenang! Apa nilamung iatommi anjo lanikatto.

GALATIA 6:8

Punna sipa'-sipa' tulino nalamung taua, kamateang lanakatto battu ri anjo sipa'-sipa'na. Mingka punna a'lamungi situru' ero'Na RohNa Allata'ala, katallassang sitojennaya siagang katallassang mannannunganga lanagappa battu ri RohNa Allata'ala.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.