HOSEA 8:5 - KITTA' MATANGKASA'

⁵ BirisikKa' ri sapi bulaeng nisombaya ri pandudu'na kota Samaria. Larro duduA' mae ri ke'nanga. Kemaepi sa'genna ke'nanga latulusu' nara'massi kalenna anynyomba ri barhalaya?

HOSEA 8:5 Iomraidhean Croise

2 PATTOTTORANG 13:8

Kamma-kamma anne gassingka nukapangi angkanaya akkullei nuewa kakoasang Napassareanga Batara mae ri jari-jarina Daud, lanri lompona pasukannu siagang lanri nia'na patung sapi bulaennu nipareka a'jari rewata ri Yerobeam untu' nusomba.

PAMMUJI 19:13

Tena akkulle mangngu'rangi ri kalinguanna; o, Batara Kilappassanga' battu ri kasalang taccokkoa.

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YEREMIA 13:27

Le'ba'mi Kucini' nugaukang sikamma apa-apa tenaya naKungai. Kucini'mi nuondang rewata-rewata maraenga ri buluka siagang ri kokoa, rapang sitau bura'ne a'lingu-lingu ero' mae ri bainenna taua, yareka jarang laki balere' dudua mae ri jarang ganaya. He pandudu'na Yerusalem, cilaka mako! Angngapapi nulata'lappasa' battu ri sikontu kaja'dallanga?”

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YEREMIA 48:13

Lala'bai pa'mai'na Moab mae ri Kamos, rewatana ke'nanga, sangkamma batena Israel la'ba pa'mai'na ri Betel ia napattoanga ke'nanga.

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

HOSEA 10:8

Sikamma balla' rewata niaka ri bulu'-bulu'na Betel tampa'na tu Israel anynyomba barhala, laniancuruki. Katintinga siagang rukuka lattimboi ri tampa' pakkoro'bangnganna ke'nanga. Nampa lammarrang ke'nanga mae ri moncong-monconga angkana, “Tongko'mi ikambe!” siagang mae ri bulu'-buluka angkana, “Tujumi ikambe!”

HOSEA 13:2

Sa'genna ri kamma-kammaya anne anjo tu Efraim tulusu' a'gau' dosana ija; appareki ke'nanga patung-patung pera' untu' nasomba – iamintu patung nirancanakanga ri akkala' rupataua siagang nipareka ri limanna rupataua. Nakana ke'nanga, “Assareko koro'bang mae ri anne patung-patunga!” Appakalannasa'na, rupataua ambaui patunna ana' sapia!

HOSEA 8:6

Anjo sapi bulaeng nisombaya ri Samaria bate pare'na sikamma tau cara'de'na tu Israel! Anjo kammaya teai Allata'ala, siagang musti niancuruki!

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

MIKHA 1:7

Patung-patunna ka'jalaka ballinna laniancuruki, siagang sikamma apa-apa nipassareanga mae ri bai'-baine tugasaka ri balla' rewataya lanitunui, kammayatompa sikontu barhalana lanipanraki. Anjo barang-barang kammaya wassele' ibadana ke'nanga mae ri rewata kacopponganga. Kamma-kamma anne kabusu'na anjo laniengkaki ri musu-musunna untu' napassareang mae ri rewata-rewatana ke'nanga.”

LAMPA-LAMPANA 7:41

Anjo wattua appare'mi ke'nanga se're patung ana' sapi. Nampa angngerang ke'nanga koro'bang mae ri anjo patunga; siagang assua'-suara'mi ke'nanga untu' ampakalompoi anjo apa napare' kalennaya ke'nanga.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.