HOSEA 8:2 - KITTA' MATANGKASA'

² Manna pole nakkio' Allata'ala ke'nanga mae ri Nakke siagang nakana ke'nanga ummakKu tappaka mae ri Nakke,

HOSEA 8:2 Iomraidhean Croise

2 KARAENG-KARAENG 10:16

siagang nakana, “Maeko amminawang, siagang kalennu lansa'bi antekamma bateku usaha untu' Nakaerokia Batara.” Nampa assiagammo ke'nanga a'dongko' kareta mange ri Samaria.

2 KARAENG-KARAENG 10:29

Lanri kammana anjo Nakanamo Batara ri Yehu, “Sikontu apa Kuparentakanga mae ri kau sollanna nigaukang mae ri jari-jarina Ahab, le'ba'mi nugaukang. Lanri kammana anjo a'janjiA' angkanaya ana' cucunnu sa'genna lapisi' makaappaka la'jari karaengi ri Israel.” Mingka tena nattojeng-tojeng pa'mai'na Yehu anturuki hukkunNa Batara, Allata'alana Israel. Naturuki panggaukanna Yerobeam angngerangai tu Israel mae ri gau' dosaya, iamintu anynyombai mae ri patung sapi bulaeng nipaentenga ri Betel siagang ri Dan.

YEREMIA 7:4

Teako patappakki patipua, angkanaya, ‘Amangki', lanri anne Balla'Na Batara. Tojeng-tojeng anne Balla'Na Batara!’

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

HOSEA 8:3

mingka taerokai ke'nanga antarimai apa bajika. Lanri kammana anjo nalaniondammo ke'nanga ri musu-musunna ke'nanga.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

MATIUS 25:11

Le'baki anjo nampami battu anjo tulolo maraenga. Akkiok-kio'mi ke'nanga angkana, ‘O Karaeng, o Karaeng, kisungke sai pakke'buka.’

MATIUS 7:21

“Tayangasenga tau akkioka ri Nakke angkana, ‘O, Batara, o, Batara,’ la'jari umma'Na Allata'ala; mingka iaji bawang tau anggaukangai ero'Na ManggeKu ri suruga.

LUKAS 13:25

Ri wattunna ambangung patanna balla' siagang natongko' pakke'bu'na, ammentengko pantaranganna ballaka nanukatto'-katto' pakke'buka nukana, ‘Karaeng, kisungke sai pakke'buka!’ Lappialimi anjo karaenga nakana, ‘Takuassengako angkana tau battu kemaeko!’

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

1 YOHANES 2:4

Inai-nai angkana, “Kuassengi Allata'ala,” mingka tena namappilangngeri mae ri sikamma parentaNa, a'balle-ballemi anjo taua, siagang tanaassengai Allata'ala lalang ri atinna.