HOSEA 8:11 - KITTA' MATANGKASA'

¹¹ Pila' jai tampa' pakkoro'bangngang nibangung ri tu Israel untu' antangkasi dosaya, pila' jai tongi tampa'na ke'nanga untu' anggaukangi dosaya!

HOSEA 8:11 Iomraidhean Croise

YEREMIA 16:13

LaKubongkako assulu' battu ri anne pa'rasanganga nampa Kupelakko mange ri se'reang pa'rasangang tena sikalia nuassengi siagang boe-boenu. Anjorengko lassambayang allo bangngi mae rewata-rewata maraenga, siagang tena Kulamangngamaseang mae ri kau.’ ”

YEREMIA 17:1

Nakana Batara, “He bansa Yehuda, le'ba'mi ta'ukiri' dosanu ri atinnu siagang ri sikontu panyingkulu'na tampa'-tampa' pakkoro'bangngannu, niukirika siagang pena bassi battu ri intang.

HOSEA 10:8

Sikamma balla' rewata niaka ri bulu'-bulu'na Betel tampa'na tu Israel anynyomba barhala, laniancuruki. Katintinga siagang rukuka lattimboi ri tampa' pakkoro'bangnganna ke'nanga. Nampa lammarrang ke'nanga mae ri moncong-monconga angkana, “Tongko'mi ikambe!” siagang mae ri bulu'-buluka angkana, “Tujumi ikambe!”

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

HOSEA 5:4

Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

PAOLE 4:28

Anjorengko lanynyomba mae ri rewata-rewata bate pare' limanna rupa taua, iamintu rewata-rewata nipareka battu ri kayu siagang batu, tenaya nakkulle accini' siagang tenaya nakkulle allangngere', tenaya nakkulle angnganre yareka angngara'.