HOSEA 7:16 - KITTA' MATANGKASA'

¹⁶ Tulusu' amminawanna ke'nanga ri rewata-rewata tena sikalia koasana. Takkulleai nipattoang ke'nanga, rapang anrong pana akkombeka otere'na. Tampoi a'bicara pamimping-pamimpinna ke'nanga, passala' kammanami anjo nalanibuno ke'nanga siagang pa'dang, na nikakkali ri tu Mesir.”

HOSEA 7:16 Iomraidhean Croise

PAMMUJI 12:3

Para siballe-ballei ngasemmi ke'nanga, massing sitipumi siagang kana-kana te'ne.

PAMMUJI 12:4

Kipammarimi anjo kana-kana manynyonyo'na ke'nanga, o, Batara, Kitongkoki bawana tu lompo bawaya

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 17:10

tangngassengai mangngamaseang ke'nanga siagang a'bicara tampoi ke'nanga.

PAMMUJI 52:2

ri wattunna battu Doëg, anjo tu Edom, mange ampauangi Saul angkana anrapi'mi Daud ri balla'na Abimelekh.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

PAMMUJI 73:9

Napitinai ke'nanga Allata'ala ri suruga, nakkana borro mae ri sikamma taua ri lino,

PAMMUJI 78:37

Tena namajarre' ke'nanga mae ri Ia siagang tena nata'gala' jarreki parjanjianNa.

PAMMUJI 78:57

A'jari bali ke'nanga sangkamma boe-boena ke'nanga, takkulleai nipatappa' sanrapang jekkona anrong panaya.

YESAYA 3:8

Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEHEZKIEL 23:32

Nakana Batara Kaminang Tinggia, “Nua'luki bonena cangkiri'na daennu. Cangkiri' lompo na lantang. Bonena rassi kana pacau-cau siagang patoa-toai, musti nutarima battu ri taua.

YEHEZKIEL 36:20

Manna kemae lampana ke'nanga, tuli nara'massinna arengKu matangkasaka. Nasaba' akkanai taua kamma anne, ‘Anne bansaya umma'Na Allata'ala, mingka musti nabokoi butta Napassareanga Allata'ala mae ri ke'nanga.’

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

HOSEA 11:5

Mingka taerokai tu Israel ammotere' mae ri Nakke; lanri kammana anjo musti ammotereki ke'nanga mange ri Mesir, siagang bansa Asyur lamparentai ke'nanga.

HOSEA 11:7

siagang terasa'na nyawana ero' ambokoiA'. Jari lanijallakkangi ke'nanga, mingka tena lakkulle allappassangi ke'nanga manna pole nammarrang ke'nanga appala' tulung.”

HOSEA 6:4

Mingka Nakana Batara, “He tu Israel siagang tu Yehuda! Apa musti Kugaukang mae ri kau ngaseng? Pangngainnu mae ri Nakke poro sinampe'ji natenamo, rapang saliuka ri wattu bari'basa'.

HOSEA 7:13

Cilakai ke'nanga, lanri nabokoiMa' ke'nanga. Laancuruki ke'nanga lanri angngewana mae ri Nakke. ErokKa' ampasalamaki ke'nanga, mingka ibadana ke'nanga mae ri Nakke anu tena nakontutojeng.

HOSEA 9:3

Ikau ngaseng, he bansa Israel, tena nulammantang tuli ri butta Napassareanga Batara mae ri kau. Musti ammoterekko mange ri Mesir, siagang musti angnganreko kanre harang ri Asyur.

HOSEA 9:4

Ri sikamma anjo pa'rasanganga tena nulakkulle assare anggoro' siagang koro'bang olo'-olo' untu' ampakasannangi atinNa Batara. Anjo kanrenu lanapa'jari ra'masa' kabusuki sikamma tau angkanreai, sangkamma kanre nikanrea ri wattunna upacara nitarawanna tau matea. Anjo kanrea poro battannuji bawang angkasiaki matu-matunna; manna sike'de' tena nalanierangi mae ri Balla'Na Batara untu' a'jari passare anjoreng.

HOSEA 9:6

Punna battui balaya, siagang nierang ngasengko mange ri pa'rasangang maraeng, anjo niaka tassesa ammantang battu ri kau ngaseng lanipasse'rei ri tu Mesir untu' nabuno siagang natarawang ri Memfis! Lattimboi rukuka siagang katintinga antongkoki tampa'-tampa' bate balla'nu siagang barang-barang pera'nu tinggia anggaranna.

MALEAKHI 3:13

Nakana Batara, “Teai sipato' bateKu nuhina lalang ri kana-kanannu.” “Mingka akkuta'nangko angkana, ‘Apa napau ikambe ri passabakkang iKatte?’

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

MATIUS 12:36

Jari u'rangi laloi anne: ri Allo Kiamaka sallang, massing lanatanggong jawakki rupataua sikontu bicaranna tenaya matu-matunna.

LUKAS 8:13

Anjo bine takkioroka ri tampa' a'batu-batua, iaminjo pangngebaranna tau sannanga nyawana ri wattu nalangngere'na anjo kabaraka; mingka tena najarre' anna'gala' aka'na anjo kabaraka lalang ri atinna ke'nanga. Sinampe'ji tappa' ke'nanga; punna battumo paccobaya, ammono'bokomi ke'nanga.

YAKOBUS 3:5

Kammatommi anjo pangngebaranna lilata; manna sanna' ca'dina anjo lilata, mingka akkullei napattampoang kalenna ri passala' apa-apa lompoa. Nawa-nawa sai antekamma lompona romanga, mingka akkullei akkanre passabakkang pepe' sannaka ca'dina!

2 PETRUS 2:8

Ri tangnga-tangnganami anjo tau kammaya attallasa' anjo Lot tau bajika, angkasiaki pa'risi' pa'maika, lanri allo-allona nacini' siagang nalangngere' panggaukang ja'dala'na ke'nanga.

PAPPICINI' 13:5

Nilappassammi anjo olo'-oloka ampaui bicara-bicara sannaka tampona siagang anghinai Allata'ala. Nipa'biammi ammarenta patampulo anrua bulang sallona.