HOSEA 7:11 - KITTA' MATANGKASA'

¹¹ Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

HOSEA 7:11 Iomraidhean Croise

2 KARAENG-KARAENG 15:19

Ri wattunna nia' battu Pul iamintu karaeng Asyur ambunduki tu Israel, nisarei ri Menahem 34.000 kilogarang pera' sollanna nibantu Menahem ampakajarreki kakoasanna ammarenta ri Israel.

2 KARAENG-KARAENG 16:7

Akkiringi Ahas tunisuro mange ri Tiglat-Pileser karaeng Asyur, siagang appasang kamma anne, “Inakke anne ata majarretta; lanri kammana anjo, kupalaki ri katte, poro battu laloki' nakipasalamakka' battu ri karaeng Siria siagang karaeng Israel niaka kamma-kamma anne ambundukia'.”

PANGNGEBARANG 15:32

Tau taeroka nipakainga', tena napakala'biriki kalenna; tau eroka nipasaile, a'jari bajiki akkala'na.

PANGNGEBARANG 17:16

Tena matu-matunna tau dongoka ampaccappuki doe'na a'boya kacara'dekang, saba' tena natangkasa' pikkiranna

PANGNGEBARANG 6:32

Mingka antekammai tu bura'ne a'gau' salaya? Ia napanraki kalenna! Ia sanna' sikali dongo'na!

YEREMIA 2:18

Apa nusawala' a'lampa mange ri Mesir? Ero' angnginungi je'ne'na Binanga Nil? Apa nusawala' a'lampa mange ri Asyur? Ero' angnginungi je'ne'na Binanga Efrat?

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

HOSEA 11:11

Battu ri Mesirki lania' battu ke'nanga sanrapang jangang-janganga linta'na, siagang battu ri Asyur rapang jangang-jangang bodobangkeng. Nampa laKuerang ammotere' ke'nanga mange ri balla'na. INakke, Batara, anne akkana.”

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

HOSEA 12:2

Sikontu apa-apa nagaukanga bansa Israel battu ri bari'basa' sa'genna bangngi tena ngaseng matu-matunna siagang poro angngerangi kapanrakang, sanrapang anging battu iraya. Kajekkonganna siagang kapallakkanna ke'nanga pila' katambangi. Appareki ke'nanga parjanjiang-parjanjiang siagang Asyur, kammayatompa angngerangi minynya' mange ri Mesir salaku tanra passari'battangang.”

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

HOSEA 4:11

Nakana Batara, “He ummakKu, baji' anggoro' salloa kammayatompa anggoro' berua napa'lanynya'mi pakkullenu untu' appikkiri' baji'.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.

HOSEA 5:4

Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

HOSEA 9:3

Ikau ngaseng, he bansa Israel, tena nulammantang tuli ri butta Napassareanga Batara mae ri kau. Musti ammoterekko mange ri Mesir, siagang musti angnganreko kanre harang ri Asyur.

HOSEA 9:6

Punna battui balaya, siagang nierang ngasengko mange ri pa'rasangang maraeng, anjo niaka tassesa ammantang battu ri kau ngaseng lanipasse'rei ri tu Mesir untu' nabuno siagang natarawang ri Memfis! Lattimboi rukuka siagang katintinga antongkoki tampa'-tampa' bate balla'nu siagang barang-barang pera'nu tinggia anggaranna.

OBAJA 1:7

Nitipuko ri sikamma tau nuaganga sita'gala', siagang nibongkako battu ri pa'rasangannu. Nibetako ri agang-agannu, nitannangngiko sikko' ri tau nuaganga sipangnganreang. Napakkuta'nangngangko, angkanaya, ‘Kemae ngasemmi anjo kacara'dekanna?’

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.