HOSEA 6:3 - KITTA' MATANGKASA'

³ Lanri kammana anjo umbamo kippattujuang tojeng-tojeng untu' angngassengi Batara. Mattantu labattui mae ri katte rapang battuna allo ammumbaya ri bari'basaka, siagang rapang bosi ambasaiyai buttaya ri kala'busang wattu bosia.”

HOSEA 6:3 Iomraidhean Croise

2 SAMUEL 23:4

rapangi caya singara' ammumbaya ri bari'basa' dudua wattu singara'na langika. Rapangi singara'na alloa ri wattu le'ba'na bosi ampaccillaki ruku' moncongbuloa ga'ga nicini'.”

AYUB 29:23

Sikontu taua rannu ngaseng antarimai kana-kanangku, rapang pamarri antarimai bosia ri wattu bara'.

PAMMUJI 19:4

Tena a'bicara yareka akkana-kana, tena sa'ra kalangngerang.

PAMMUJI 19:6

ammumbai ri bari'basaka sanrapang bunting bura'ne assulu' battu ri kamara'na, sanrapang tubarani eroka ampakaramulai pa'lampanna.

PAMMUJI 63:8

saba' iKattemi le'ba' antulunga'; akkelong rannua' lalang la'lanna ka'nyitTa.

PAMMUJI 65:9

Sikontu pandudu'na linoa mallaki siagang appakalompoi anciniki sikamma gau' heba' Kigaukanga. Sikontu linoa battu ri cappa' se'rea mange ri cappa' maraenga Kipa'jari rannu ma'reja-reja.

PAMMUJI 72:6

Poro sanrapangi bosi turunga ri parang, sanrapang bosi lompo allo'lori sikamma kokoa.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

YESAYA 32:15

Mingka sikalipi pole labattu Allata'ala siagang koasaNa. Na sikamma parang luaraka la'jari koko-koko coppong, sikamma kokoa la'jari sangkamma romang jaina.

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

HOSEA 10:12

Kukana, ‘He Israel! Apparekko koko beru untu' kalennu, kiori siagang bine kaadelang, siagang akkatto mako barakka' naerang poleanga mattojeng-tojenna pangngainu mae ri Nakke. Nasaba', narapi'mi wattunnu untu' amboyA', Bataranu. LabattuA' untu' ampaturungangko bosi barakkakKu.’

HOSEA 14:5

Nakana Batara, “UmmakKu ammengka salaya, Kuallei ammotere' naKukamaseang sikontu pa'mai'; talaKukalarroiami pole ke'nanga.

HOSEA 14:6

Mange ri Israel rapangA' bosi ambasai butta kalotoroka. La'bakkaki ke'nanga rapang bunga siagang rapang camara lantanga aka'na.

HOSEA 2:20

LaKunikkaiko situru' janjingKu. LanuaniA' salaku Bataranu.

MIKHA 4:2

lanakana ngaseng ke'nanga, “Umba kinai' ri bontoNa Batara ri Balla'Na Allata'alana Israel! LaNapangngajarrangi mae ri katte apa mustia nigaukang. Lanipinawangi oloanNa lanri pangngajaranNa Batara battu anjorengi ri Yerusalem; battu ri Sion a'bicara mae ri umma'Na.”

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MIKHA 5:7

Tu Israel niaka ija ammantang ri alla'na bansa-bansaya lakontui singa ri tangnga-tangngana olo'-oloka ri romanga yareka ri tangnga-tangngana gimbalaka ri parang rukuka. Anjo singaya antamaki ri tangnga-tangngana anjo lokoang gimbalaka na naonjo'-onjokang siagang nakae-kae; tena akkulle allappassangi anjo sikamma gimbalaka.

ZAKHARIA 10:1

Punna battu wattu accu'la'na lamung-lamunga, appalakko bosi mae ri Batara. Na laNapa'rappungi Batara rammang lappaturunga bosi, siagang laNapaturungi bosi lompoa sa'genna a'jari moncongbulo nicini' sikamma kokoa siagang a'jari baji' mange ri yangasenna taua.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

LUKAS 1:78

Baji' ati na mangngamaseang Bataraya; battui lanri erotta Napasalama'. Sanrapang mataallo ammumba ri bari'basaka,

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

LAMPA-LAMPANA 17:11

Anjo tau anjorenga ri Berea baji'-bajikangangi pa'mai'na na tau niaka ri Tesalonika. Sannangi pa'mai'na ke'nanga ampilangngeri anjo kabara'Na Isa; allo-allona napilajari ke'nanga apa niaka tattulisi' lalang ri Kittaka, lanri ero'na ke'nanga angngassengi angkanaya maka kontutojengi anjo napangngajarranga Paulus.

PAOLE 32:2

Dasi-dasi narapang bosi manurung pangngajarangku, na rapang je'ne' allung mammatti' kana-kanangku, rapang bosi sarro ri tompo'na ruku'-rukuka, bosi a'ricci'-ricci' ri tompo'na lamung-lamunga.

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

2 PETRUS 1:19

Iaminjo saba'na nakipila' tappa'mo pole ri anjo biritta battua ri Allata'ala napabattua na'bi-na'bia. Teai sipato' baji'na punna nuparhatikang anjo birittaya; nasaba' anjo birittaya sanrapangi singara'na lampua lalang ri tampa' sassanga sa'genna battu bari'basaka, siagang accaya bintoeng battu rayaya lalang ri atinnu.

PAPPICINI' 22:16

“INakke Isa, Kusuromi malaekakKu mae ri kau ngaseng sollanna napau ngaseng anne passalaka untu' kasalamakkanna sikontu jama'aka. INakkemi sossoranna Daud; iNakkemi anjo bintoeng singaraka, niaka battu raya.”