HOSEA 6:1 - KITTA' MATANGKASA'

¹ Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

HOSEA 6:1 Iomraidhean Croise

2 PATTOTTORANG 30:6

Lanri parentana karaenga siagang pagawe-pagawena nikirimmi a'lampa sikamma tunisuroa mange ri sikontu daera Yehuda siagang Israel untu' angngerangi anjo suraka. Kammami anne bonena anjo suraka, “Kupabattui mae ri sikontu ra'ya' Israel! Le'ba' kabusu' mako ta'lappasa' battu ri kakoasanna tu Asyur. Kamma-kamma anne siratang mako ammotere' anynyomba mae ri Batara, Allata'ala nisombaya ri Abraham, Ishak, siagang Yakub, sollanna ammotere' todong untu' antulungko.

AYUB 16:9

Lalang larro duduNa Nakekke'-kekkeki Allata'ala tubuku; birisi' sikali ancinikia'.

AYUB 22:23

Pakatunami pa'mai'nu, ammotere' mako mae ri Batara, pammarimi kaja'dallanga ri balla'nu.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

PAMMUJI 30:7

Ri wattunna amang kukasia', kukana, “Tena kulanibeta!”

PAMMUJI 6:2

O, Batara, teaKi' kapallakkia' lalang pangngalarroinTa, teaKi' hukkungia' lalang kalussakkangku.

PAMMUJI 71:20

Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

KATO'BA 3:3

wattu untu' ammuno siagang wattu untu' appamolle, wattu untu' anrumbang siagang wattu untu' ambangung.

YESAYA 17:7

Anjo wattua sallang, lammotere'mi taua mange appala' tulung ri Mappa'jarina, iamintu Allata'ala matangkasa'na Israel.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

YESAYA 30:22

Sikamma patung barhalanu nilapisika pera' siagang bulaeng, lanupelaki sangkamma loro, nampa nukana, “Bellako battu ri nakke!”

YESAYA 30:26

Bulanga laccayai sangkamma mataallo, siagang mataalloa la'lappi tujui singara'na ri singara' biasaya, sanrapang singara' tuju alloa nipasse're a'jari se're. Yangasenna anjo lakajarianga ri wattu Naroko'na Batara sikamma loko'na umma'Na, ia le'baka Napangngajari.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YEREMIA 3:22

He ikau ngaseng sikontu tau ambokoiyai Batara, ammotere' mako! LaNapammolleko battu ri garrinnu, siagang laNapa'jariko majarre' ri pa'mai'nu. Nukana ngaseng, “Iyo, kamma-kamma anne ammotere'mi ikambe mae ri Batara, nasaba' Iami Allata'alana ikambe.

YEREMIA 30:12

Nakana Batara ri umma'Na: “Garrinnu teai sipato' sanna'na, untu' loko'nu tena pa'ballena.

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

YEREMIA 33:5

tena matu-matunna angngewai tu Babel, nasaba' anjo kammaya poro lanapakajaiji maya'na tau Kubunoa lanri larroKu siagang lussakKu mae ri ke'nanga. TaerokaMa' anciniki pole anne kotaya, lanri sikamma taunna nagaukangi kaja'dallanga.

YEREMIA 33:6

Mingka sallang laKupakabajiki ammotere' anne kotaya siagang pandudu'na; lakassaki ammotere' ke'nanga. LaKusarei ke'nanga kasalewangang siagang kaamangngang alla'bia.

YEREMIA 50:4

Nakana Batara, “Anjo wattua sallang tu Israel siagang tu Yehuda labattui siagang angngarru' amboyA', Allata'alana ke'nanga.

YEREMIA 50:5

Lanapakkuta'nangngangi ke'nanga oloang mangea ri Sion, nampa a'jappa mange anjoreng. Lappareki parjanjiang satunggu-tunggua ke'nanga siagang iNakke, siagang tuli laKuta'galaki anjo parjanjianga.

PIRAUNG 3:11

Naondanga' sanggengku ammengka ri oloanga, na Nakae-kae batangkalengku nampa Nabokoia'.

HOSEA 11:10

Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

KAIMANGNGANG 14:48

Mingka punna battu imanga na turu' pamaressana tenamo nammumba poleang jappoka baku' le'ba'na nipalestere' poleang, musti napaui angkanaya tangkasaki anjo ballaka, lanri anjo jappoka tappela' ngasemmi.

ZEFANYA 2:1

He bansa tenaya nangngasseng siri', angngu'rangiko,

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.

1 SAMUEL 7:3

Nakanamo Samuel ri umma' Israel, “Punna erokko ammotere' mae ri Batara siagang anynyomba ri Ia siagang sikontu atinnu, musti nupela' ngasengi sikontu rewata battu-battua siagang patunna Dewi Asytoret. Passareang tabasikali kalennu mae ri Batara, siagang anynyomba mako mae ri Ia bawang, na Nalappassangko battu ri tu Filistin.”