HOSEA 5:8 - KITTA' MATANGKASA'

⁸ Tuiki tarompeka ri Gibea! Pasa'rai tanra pakkioka untu' mange a'bundu' ri Rama! Ammarrangko sa'ra pa'bundukang ri Betel. Umba, tu Benyamin, majuko a'bundu'!

HOSEA 5:8 Iomraidhean Croise

2 SAMUEL 21:6

Lanri kammana anjo, passareangi mae ri kambe tuju tu bura'ne jari-jarina sollanna nagentung ikambe ri dallekanNa Batara ri Gibea, kota kakaraengang kalenna Saul.” Appialimi karaenga angkana, “Baji'mi, lakupassareangi ke'nanga.”

1 KARAENG-KARAENG 12:29

Nampa naboli' Yerobeam kalase'renna anjo sapi bulaenga ri Betel, na maraengannaya ri Dan.

YESAYA 10:29

Allalomi ke'nanga ri pa'limbangnganga siagang a'bangngi ke'nanga ri Geba! Annekkere'mi pandudu'na kota Rama, siagang larimi pandudu'na Gibea, kotana Saul.

YEREMIA 4:5

Tuiki tarompe'nu ri sikontu pa'rasangang! Bajiki batenu akkio' siagang lompoi. Suroi lari pandudu' Yehuda siagang Yerusalem mange ri kota-kota niaka tembo' pattahanganna.

YEREMIA 6:1

A'lampako alliliangi kalennu, he sikamma tu Benyamin! Bokoi Yerusalem! Pasa'rai tarompeka ri Tekoa, siagang apparinrako pepe' ri Bet-Kerem salaku pammatei! Niaki battu wara' balaya siagang bahaya lompoa lantujuko.

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

YO"EL 2:1

Tuiki tarompeka, pasa'rai tanra bahayaya ri Bulu' Sion matangkasaka, ri pammantangnganNa Allata'ala. Annekkere' mako, he pandudu'na Yehuda! Nasaba' a'reppese'mi AllonNa Batara siagang tasalloami nabattu.

YO"EL 2:15

Tuiki tarompeka ri Sion, bulu'Na Allata'ala, pa'la'bangi pappiassengang allo puasaya, apparekko passibuntulang lompo.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

YOSUA 7:2

Anjo wattua nia' siapa are tau nasuro Yosua battu ri Yerikho mange ri kota Ai, iamintu se'rea kota irayanganna Betel, ri ampi'na Bet-Awen. Anjo sikammaya tau nisarei tugasa' untu' a'lampa ansalidiki anjo daeraya. Le'ba'na nagaukang ke'nanga anjo tugasaka,

HAKING-HAKING 5:14

Battu ri Efraim a'jappa ke'nanga nanaung parang lappara' amminawang ri tantara Benyamin a'barrisika ri dallekanna ke'nanga. Nia'mi sikamma panglimana, battu ri Makhir nammentemmo sikamma perwiraya battu ri Zebulon.

1 SAMUEL 15:34

Le'baki anjo a'lampami Samuel mange ri Rama, nampa Saul ammotere'mi mange ri balla'na ri Gibea.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.

1 SAMUEL 8:4

Lanri kammana a'rappungang ngasemmi sikontu pamimpinna tu Israel, nampa mange andallekang ri Samuel ri Rama,