HOSEA 5:7 - KITTA' MATANGKASA'

⁷ Tena namajarre' ke'nanga mae ri Batara; ana'-ana'na ke'nanga teaimi ana'-ana'na. Lanri kammana anjo, tenamo nasallo nalanipanraki ke'nanga siagang koko-kokonna ke'nanga.

HOSEA 5:7 Iomraidhean Croise

PAMMUJI 144:11

Kilappassanga' battu ri pa'danna tau pallaka; Kipasalamaka' battu ri kakoasanNa bansa maraenga nangaia a'balle-balle siagang annipu, siagang appare' sumpa nipare'-pare'.

PAMMUJI 144:7

Kipajonjoi limanTa battu ri suruga, na Kilappassanga' battu ri a'baya. Kipasalamaka' battu ri kakoasanna bansa maraenga

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YESAYA 59:13

Le'baki assassala' siagang angngewa ikambe mae ri Batara, siagang taeroka mannuruki ri Allata'ala ikambe. Le'baki ikambe anjallakkangi paranna tau siagang sala oloang; lingui pikkiranna ikambe, siagang a'balle-ballei bicaranna ikambe.

YEREMIA 3:20

Mingka rapang baine tenaya namajarre' pa'mai'na, sangkamma tomminjo tena namajarre' pa'mai'nu mae ri Nakke. INakke, Batara, anne a'bicara.”

YEREMIA 5:11

Nabaliang tojeng-tojemMa' umma' Israel siagang Yehuda. INakke, Batara, anne akkana.”

YEHEZKIEL 12:28

Lanri kammana anjo, pabattuangi ke'nanga, angkana iNakke, Batara Kaminang Tinggia, angkana; Sikontu apa Kupaua ma'nassa lakajariangi, tena nalanipaunduru'. INakke, Batara Kaminang Tinggia, anne akkana!”

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

HOSEA 2:4

Ikau ana'-ana'na, tena nalaKukamaseangko; ikau lassukko battu ri gau' passundallang.

HOSEA 6:7

Mingka sangkamma Adam, nudakkai janjinnu mae ri Nakke.

HOSEA 7:13

Cilakai ke'nanga, lanri nabokoiMa' ke'nanga. Laancuruki ke'nanga lanri angngewana mae ri Nakke. ErokKa' ampasalamaki ke'nanga, mingka ibadana ke'nanga mae ri Nakke anu tena nakontutojeng.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.