HOSEA 5:4 - KITTA' MATANGKASA'

⁴ Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

HOSEA 5:4 Iomraidhean Croise

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEREMIA 50:38

Kalotori sikontu binangana siagang kokonna! Nasaba', Babel rassi barhala appakaringi'-ringi', ampa'jari pongoroki sikamma tau anynyombaya ri ia.

YEREMIA 9:24

Inai ero' lompo pa'mai' ri passabakkang apa-apaya, musti lompo pa'maiki passabakkang naassengKu siagang napahangKu; angkanaya naassengi angkana mangngamaseangA' sa'genna satunggu-tungguna na Kupaenteng hukkunga siagang kaadelanga ri lino. Yangasenna anjo napakasannangi atingKu. INakke, Batara, akkana kamma anjo.”

HOSEA 13:13

Nia' kasampatanna Israel untu' attallasa', mingka sanna' dongo'na sa'genna tena napa'matu-matui anjo kasampatanga. Rapangi ana' lolo lalang battang; tasalloami nalassu' mingka takkulleai assulu' battu ri pammanakkanna amma'na.

HOSEA 4:1

Nia' parkaraNa Batara siagang pandudu'na anne pa'rasanganga. He Israel, pilangngeri anne apa kananNa, “Ri anne pa'rasanganga tena kamajarrekang pa'mai' siagang pangngamaseang, siagang pandudu'na tena naaniA' salaku Allata'ala.

HOSEA 4:11

Nakana Batara, “He ummakKu, baji' anggoro' salloa kammayatompa anggoro' berua napa'lanynya'mi pakkullenu untu' appikkiri' baji'.

HOSEA 4:12

Appalakko pangngunju' battu ri sipolonga kayu! Se'reang takkang ampauangko apa eroka nuasseng! Rapangko sitau baine niaka bura'nenna na'jari pasundala'; nubokoiA' nampa nupassareang kalennu mae ri rewata-rewata maraenga.

HOSEA 4:14

Mingka tena nalaKuhukkung anjo panggaukanna ke'nanga, nasaba' manna ikau a'lampa tonjako mange ri sikamma pasundala' niaka ri balla' rewataya, siagang assiagang ngasengko ke'nanga assare koro'bang mae ri rewata-rewataya. Annaba tojengi kana-kana angkanaya, ‘Bansa tenaya pammahanna ri passala'na Allata'ala laruntungi.’

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

HOSEA 8:11

Pila' jai tampa' pakkoro'bangngang nibangung ri tu Israel untu' antangkasi dosaya, pila' jai tongi tampa'na ke'nanga untu' anggaukangi dosaya!

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

YOHANES 8:55

mingka tena nanuassengi. Mingka iNakke Kuassengi. Ebara'na Kukana tena naKuassengi, a'jari tu paballe-balleMa', sangkamma ikau ngaseng. Mingka iNakke Kuassengi siagang Kuturuki kananNa.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.