HOSEA 5:13 - KITTA' MATANGKASA'

¹³ Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.

HOSEA 5:13 Iomraidhean Croise

2 KARAENG-KARAENG 15:19

Ri wattunna nia' battu Pul iamintu karaeng Asyur ambunduki tu Israel, nisarei ri Menahem 34.000 kilogarang pera' sollanna nibantu Menahem ampakajarreki kakoasanna ammarenta ri Israel.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 16:7

Akkiringi Ahas tunisuro mange ri Tiglat-Pileser karaeng Asyur, siagang appasang kamma anne, “Inakke anne ata majarretta; lanri kammana anjo, kupalaki ri katte, poro battu laloki' nakipasalamakka' battu ri karaeng Siria siagang karaeng Israel niaka kamma-kamma anne ambundukia'.”

YESAYA 3:7

Mingka lappiali anjo bijanna nakana, “Inakke teaiya' sanro! Tena todong kanreku siagang pakeangku. Teako suroia' a'jari pamimping bansa!”

YEREMIA 30:12

Nakana Batara ri umma'Na: “Garrinnu teai sipato' sanna'na, untu' loko'nu tena pa'ballena.

YEHEZKIEL 23:5

Manna pole nakubaineammo anjo Ohola, mingka tuli nagaukanna assundalaka, siagang sanna' lompona nyawana allayani sikamma tanrinna battu ri Asyur.

HOSEA 10:6

Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

HOSEA 2:7

Lanaondangi sikamma tanring-tanrinna, mingka tena nalata'rapi' mae ri ke'nanga. Lanaboyai ke'nanga, mingka talanabuntulai ke'nanga. Nampa lanakanamo, ‘Erokka' ammotere' mange ri bura'ne rioloku; riolo la'bi bajikangngangi katallassangku nakamma-kammaya anne.’

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

HOSEA 8:9

Rapang keledai liara' tenaya namannuruki, kammami anjo tu Israel sangnging ero' kalenna naturukiang. A'boyai ke'nanga bantuang battu ri Asyur, siagang ammalli ke'nanga passari'battangang battu ri bansa-bansa maraenga.

MIKHA 1:9

Nasaba' bokka'-bokka'na Samaria takkulleai niballei, siagang Yehuda lanituju tongi ri sare kammaya anjo. Battumi balaya mae ri Yerusalem, pakke'bu' lompona butta passolongang cera'na bansaku.