HOSEA 5:10 - KITTA' MATANGKASA'

¹⁰ Nakana Batara, “LarroA' lanri pamimping-pamimpinna tu Yehuda nabunduki tu Israel siagang narampasaki buttana. Lanri kammana anjo lappabattuA' hukkungang mae ri ke'nanga rapang a'ba.

HOSEA 5:10 Iomraidhean Croise

PAMMUJI 32:6

Lanri kammana sikamma tau bajika parallui appala' doang ri wattunna nakasia' kasukkarranga, sa'genna punna battu a'ba kasusaanga, tena nanilo'lorangi.

PAMMUJI 69:24

Boli'mi kamma a'jari buta matanna ke'nanga na tuli lamma dongko'na ke'nanga.

PAMMUJI 88:17

Niancurukka' ri pangngalarroi lompoTa; possoka' ri pa'bakka hebatTa mae ri nakke.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PANGNGEBARANG 22:28

Tea sikaliko appalessoki pa'baeng-baeng butta, ia le'bakamo napattantu boe-boenu.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YEHEZKIEL 22:22

Sangkamma pera' nipassolonga lalang ri pattunuanga, kammatommi anjo batena lanipassolong ke'nanga ri Yerusalem. Jari naassemmi ke'nanga angkanaya iNakke, Batara, ampabattui pangngalarroingKu mae ri ke'nanga.”

YEHEZKIEL 7:8

Tasalloami nanukasia' pangngalarroi lompoKu. LaKuadeliko situru' panggaukannu. LaKubalasaki mae ri kau sikontu panggaukang kodinu.

MATIUS 7:27

Ri wattunna battu bosia siagang a'baya kammayatompa anging barubua antujui anjo ballaka, anra'bami. Nateaimi sipato' sanna'na panra'na anjo ballaka!”

LUKAS 6:49

Mingka inai-nai allangngereki kanangKu mingka tena nagaukangi, iami sanrapang tau ambangunga balla', natena nammake pondasi. Punna battu a'baya antujui, anra'ba memammi silalonna; na teai sipato' lompona panra'na anjo ballaka!”

PAOLE 19:14

“Punna battu mako mange ri pa'rasangang Napassareanga Karaeng Allata'alanu mae ri kau, teako paletteki garisi'-garisi' pa'baeng-baenna buttana siampi' balla'nu le'baka nipattantu riolo.”

PAOLE 27:17

‘Nitunrai tau ampalessokai garisi' pa'baeng-baenna buttana siampi' balla'na.’ ‘Aming!’