HOSEA 4:9 - KITTA' MATANGKASA'

⁹ Jari lapa'risi' mako sangkamma ra'yaka! LaKuhukkungko situru' sikamma panggaukannu.

HOSEA 4:9 Iomraidhean Croise

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

PANGNGEBARANG 12:14

Tunggala' tau anggappai pa'balasa' situru' kana-kananna siagang panggaukanna; massing nisarei pahala situru' kana-kananna siagang panggaukanna.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 24:2

Sikontu taua nakasia' ngasengi sare sangkammaya: imang-imanga siagang ra'yaka, ata niballia siagang pinggawaya, pabaluka siagang tummallia, tau appappinranga siagang tau angnginranga, kalumanynyanga siagang kasi-asia.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEHEZKIEL 44:10

Nakana Batara ri nakke, “LaKuhukkungi tu Lewi siagang tu Israel maraengannaya, lanri nabokoiA' siagang anynyombai ri barhala.

YEHEZKIEL 44:12

Mingka lanri nagaukannamo ke'nanga upacara anynyombaya ri barhala untu' bansa Israel, siagang naeranna anjo bansa Israel mange ri dosaya, jari iNakke, Batara Kaminang Tinggia, assumpaMa' angkanaya musti Kuhukkungi ke'nanga.

HOSEA 1:4

Nakanamo Batara ri nakke, “Arengi anjo ana'nu Yizreel, nasaba' tasalloami nalaKuhukkung Karaeng Israel, lanri pammunoang nagaukanga Yehu, boe-boena, ri Yizreel. LaKupa'le'baki pamarentahanna jari-jarina Yehu.

HOSEA 10:10

LaKubunduki anjo tau dorakaya ngaseng siagang laKuhukkungi ke'nanga. Lasita'gala' kabusuki bansa-bansaya untu' ambaliangi ke'nanga, siagang lanihukkungi ke'nanga lanri anjo dosa jaina ke'nanga.

HOSEA 12:2

Sikontu apa-apa nagaukanga bansa Israel battu ri bari'basa' sa'genna bangngi tena ngaseng matu-matunna siagang poro angngerangi kapanrakang, sanrapang anging battu iraya. Kajekkonganna siagang kapallakkanna ke'nanga pila' katambangi. Appareki ke'nanga parjanjiang-parjanjiang siagang Asyur, kammayatompa angngerangi minynya' mange ri Mesir salaku tanra passari'battangang.”

HOSEA 12:3

Nia' parkaraNa Batara siagang bansa Yehuda; kammayatompa laNahukkung tongi tu Israel lanri gau'-gau'na ke'nanga. LaNabalasaki panggaukanna ke'nanga.

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

HOSEA 9:15

Nakana Batara, “Sikontu kaja'dallanna ke'nanga appakkaramulai ri Gilgal. AnjoremMa' appakkaramula birisi' mae ri ke'nanga. Lanri panggaukanna ke'nanga ja'dalaka, laKubongkai ke'nanga battu ri anne pa'rasangangKu. Tenamo nalaKukamaseangi ke'nanga; sikontu pamimpinna ke'nanga angngewa ngasemmi ri Nakke.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”