HOSEA 4:4 - KITTA' MATANGKASA'

⁴ Nakana Batara, “He sikamma imanga, teako nia' ansalakangi yareka angkalarroi ummakKu, nasaba' ikau ngaseng Kusalakang!

HOSEA 4:4 Iomraidhean Croise

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEHEZKIEL 3:26

LaKupa'jari ka'doroki lilanu sa'genna takkulleako ampakaingaki anne bansa nangaia angngewa.

HOSEA 4:17

Umma' Israel niallemi pa'mai'na ri barhalaya. Lanri kammana anjo lappassammi ke'nanga kamma.

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

AMOS 5:13

Lanri anjo panggaukannu, nabajikangngammo nasa'ring tucara'deka a'mereki mamo ri anjo jammang kaja'dallanga.

AMOS 6:10

Sitau anggota kaluargana ia tugasaka angngurusuki panguburanna, laniaki battu siagang naerangi assulu' maya'na bijanna. Lakkioki mae ri tau niaka ri bageang bokona anjo ballaka angkana, “Apaka nia' ija maraeng attallasa' pantaranganna ikau?” Na lania'mo sa'ra appiali angkana, “Tenamo!” Anjo anggota kaluarga tugasaka antarawangi anjo mayaka lanakana, “Tea' mako a'bicarai pole! Takkulleaki' ampaui arenNa Batara.”

PAOLE 17:12

Manna inai punna barani angngewai hakinga yareka imang tugasaka, musti nihukkung matei; kammaminjo nanupaccappu'mo kaja'dallang kammaya anjo ri Israel.