HOSEA 4:14 - KITTA' MATANGKASA'

¹⁴ Mingka tena nalaKuhukkung anjo panggaukanna ke'nanga, nasaba' manna ikau a'lampa tonjako mange ri sikamma pasundala' niaka ri balla' rewataya, siagang assiagang ngasengko ke'nanga assare koro'bang mae ri rewata-rewataya. Annaba tojengi kana-kana angkanaya, ‘Bansa tenaya pammahanna ri passala'na Allata'ala laruntungi.’

HOSEA 4:14 Iomraidhean Croise

1 KARAENG-KARAENG 15:12

Sikontu baine pasundalaka niaka tugasa' ri tampa'-tampa' panynyombang rewataya napakabella ngasengi, siagang sikontu barhalaya nibangunga ri karaeng-karaeng ammarentaya riolonganna napattaena ngasengi ri sikontu pa'rasanganga.

2 KARAENG-KARAENG 23:7

Sikontu kamaraka lalang ri Balla'Na Batara le'baka napake baine pasundala'na balla'-balla' panynyombanga untu' anggaukangi gau' salana salaku panynyomba mae ri rewataya, niputta kabusuki. (Lalang ri anjo kamaraka napakei tubai'-bainea attannung kaeng untu' nipake anynyomba mae ri Dewi Asyera.)

PANGNGEBARANG 28:5

Kaadelanga tanapahangngai tau dorakaya, mingka tau anynyombaya ri Batara, napahang tojeng-tojengi.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

DANIEL 12:10

Jai tau laniso'ri siagang lanitangkasi. Ke'nanga ja'dalaka tena nalanapahangi siagang tulusu' la'gau' ja'dala'na; iaji bawang cara'deka lampahangi.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

HOSEA 4:1

Nia' parkaraNa Batara siagang pandudu'na anne pa'rasanganga. He Israel, pilangngeri anne apa kananNa, “Ri anne pa'rasanganga tena kamajarrekang pa'mai' siagang pangngamaseang, siagang pandudu'na tena naaniA' salaku Allata'ala.

HOSEA 4:17

Umma' Israel niallemi pa'mai'na ri barhalaya. Lanri kammana anjo lappassammi ke'nanga kamma.

HOSEA 5:4

Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

AMOS 2:7

Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

PAMMILANGNGANG 25:3

Lanri anynyombana tu Israel ri Baal anjoreng ri Peor, larromi Batara mae ri ke'nanga.

YOHANES 8:43

Apa saba'na natanupahanga apa Kupaua? Lanri tenana nuttahang allangngereki apa Kupangngajaranga.

ROMA 3:11

tena manna sitau ammahang siagang tena manna sitau anynyomba ri Allata'ala.

1 KORINTUS 6:16

Yareka tanuassengapi angkanaya inai-nai ampasiallei batangkalenna siagang baine ja'dalaka, a'jari se'remi batangkalenna siagang anjo baine ja'dalaka? Nasaba' nia' tattulisi' lalang ri Kittaka angkanaya, “Anjo ruaya a'jari se'remi.”

EFESUS 4:18

Sassangi pikkiranna ke'nanga. Tanaassengai ke'nanga katallassang Napassareanga Allata'ala, nasaba' tena sikali apa-apa naasseng ke'nanga ri passala'na Allata'ala. Kammami anjo ke'nanga, lanri sanna' kapala batuna ke'nanga.

PAOLE 23:17

Se'rea tu Israel, baji' bura'ne kammayatompa baine, takkulleai a'jari pagau' bawang ri balla'-balla' panynyombanga.

IBRANI 12:8

Punna tena nunihukkung todong sangkamma yangasenna ana'-ana'Na maraenga, battuanna teaiko ana' tojeng-tojenNa.