HOSEA 3:4 - KITTA' MATANGKASA'

⁴ Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

HOSEA 3:4 Iomraidhean Croise

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:34

Ilalanna anjo le'ba'mi naalle Rahel anjo patunga nampa napantama' ri purukang pattekekanna untaya, nampa ia kalenna ammempoi rate ri anjo pattekekanga. Naparessami Laban sikontu kemana Rahel, mingka takkulleai nagappa anjo patunga.

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

2 KARAENG-KARAENG 23:24

Sollanna nakkulle nigaukang hukkung-hukkung niaka tattulisi' lalang ri anjo kitta' nagappaya Imang Lompo Hilkia lalang ri Balla'Na Batara, nabongka kabusu'mi Karaeng Yosia sikamma pakio' rohna tumatea siagang pacinika battu ri Yerusalem siagang battu ri sikontu Yehuda, nampa napela' kabusu' rewata ruma tanggaya, barhalaya, siagang barang-barang nipakea untu' anynyomba ri rewata-rewataya.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

KALAPPASSANG 28:4

Suro tongi ke'nanga appare' pattongko' barambang, efod, juba, kameja nisulang, soro'bang siagang passikko' aya'. Anjo pakeang imanga musti napareki ke'nanga untu' daennu Harun siagang sikamma ana'na sollanna akkulle allayaniA' salaku imang.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YEHEZKIEL 19:14

Batanna anjo anggoroka nilepaki ri pepe' a'le'lere'; tangkenna siagang rapponna la'busu' nikanre ri pepe'. Tangkenna tenamo nattahang kamma-kamma anne; takkulleami nipare' takkang karaeng. Iaminjo karru' a'mole-molea nikelongang ri ummaka.

YEHEZKIEL 20:32

Erokko ampasangkammai bansa-bansa maraenga siagang pandudu'na pa'rasangang-pa'rasangang maraenga anynyomba poko' kayu siagang batu. Mingka anjo ero'nu tena nala'rupa.’ ”

YEHEZKIEL 21:21

Karaeng Babel ammenteng ri ampi'na anjo papang pammateia. Untu' naassengi angkanaya oloang kereanga lanalaloi, lappalaki pangngunju' battu ri barhala-barhalana, nagoccangi panaya nampa naparessa atenna olo'-olo' beru le'baka nakoro'bangkang.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

DANIEL 11:31

Nampa akkiring pasukang untu' anra'massi Balla'Na Batara. Lanapammari ke'nanga koro'bang allo-alloa siagang appaentengi ke'nanga apa appakamalla' sikalia, iamintu niarenga Kaja'dallang Angngancuruka.

DANIEL 12:11

Appakkaramula battu ri allo nipammarina anjo koro'bang allo-alloa siagang sikamma appakamalla' niarenga Kaja'dallang Angngancuru' nipaenteng, nia' 1.290 allo.

DANIEL 9:27

Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

HOSEA 13:10

Appalakko karaeng siagang pamimping, mingka kemaemi ke'nanga kamma-kamma anne? Maka akkullei ke'nanga ampasalamaki ra'ya'nu?

HOSEA 13:11

LarroA' naKusareko karaeng, nampa lanri sanna' nassuKu naKupasinta' ke'nanga ammotere'.”

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

KAIMANGNGANG 8:7

Le'baki anjo napatabami pakeang imanga ri Harun, iamintu: kameja, passikko' aya' siagang juba. Kammayatompa baju efod nipasikkoka ri aya'na siagang passikko' battu ri kaeng alusu'.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

YOHANES 19:15

Ammarrang-marrammi ke'nanga, angkana, “Bunoi! Bunoi! Allei Salli'!” Akkuta'nammi Pilatus nakana, “Maka musti inakke ansalliki karaennu?” Appialimi imang-imang kapalaya angkana, “Tena ruanna karaeng pantaranganna Karaenna ikambe!”

IBRANI 10:26

Nasaba' punna le'ba'mo nipabattu biritta tojenga battua ri Allata'ala mae ri katte, mingka tuli nipakkunjungianna nigaukang dosaya, tenamo koro'bang lakkulle antangkasi dosata.

HAKING-HAKING 17:5

Nakalenna untu' Mikha nia'mo se're tampa' panynyombanna. Appare'mi siapa are patung barhala siagang silawara' kaeng pannongko' barambang bajunna Imang lompoa. Nampa naangka' sitau ana'na a'jari Imang.

HAKING-HAKING 18:14

Anjo limaya mata-mata le'baka nikiring riolo angkanami mae ri agang-aganna, “Nuassengi angkanaya ri kalase'renna anne ballaka nia' patung nilapisi' pera'? Nia' todong patung-patung maraeng siagang Efod. Pikkiri' sai, apa musti nigaukang.”

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.

1 SAMUEL 14:3

(Imang angngeranga Efod iamintu Ahiya ana'na Ahitub, iamintu sari'battanna Ikabod ana'na Pinehas, siagang Pinehas ana'na Eli, imanNa Batara ri Silo.) Tena todong naassengi ra'yaka angkanaya a'lampami Yonatan battu anjoreng.

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

1 SAMUEL 21:9

Appialimi Ahimelekh angkana, “Nia' kuboli' pa'danna Goliat, anjo tu Filistin le'baka nubuno ri Lappara' Ela. Anjo pa'danga niaki ri boko Efod, nirokoka kaeng. Punna erokko, alle mami, nasaba' iaji anjo bawang sanjata niaka anrinni.” Nakanamo Daud, “Anjo pa'danga, iami pa'dang kaminang bajika ri sikontu pa'rasangang, passareammi mae ri nakke!”

1 SAMUEL 22:18

Lanri kammana nakanamo Saul ri Doëg, “Lintakko! Ikaumo ambunoi anjo ke'nanga!” Jari majumi Doëg nampa nabuno ngaseng anjo imang-imanga. Anjo alloa nia' sagantujupulo allima imang nabuno, ia imang akkullea ammake baju efod.

1 SAMUEL 23:6

Ri wattunna lari mange ri Daud anjo Abyatar ana'na Ahimelekh, namminawang ri Daud mange ri Kehila, angngerang tongi efod.

1 SAMUEL 23:9

Mingka naassemmi Daud angkanaya appikkiri' ja'dalaki Saul mae ri ia. Lanri kammana anjo nakanamo ri Imang Abyatar, “Erangi anjo efodka mae anrinni.”

1 SAMUEL 30:7

Nampa nakanamo Daud ri Imang Abyatar ana'na Ahimelekh, “Erangi anjo efodka mae anrinni!” Jari naerammi Abyatar anjo efodka mae ri ia.