HOSEA 3:1 - KITTA' MATANGKASA'

¹ Nakana Batara ri nakke, “A'lampako pole siagang angngaiko pole sitau baine nangaia a'gau' bawang. Mangngaiko ri ia sangkamma iNakke mangngaiA' ri tu Israel manna pole nabokoiA' ke'nanga nanynyomba ri barhala-barhala maraenga siagang nangai assare kanrejawa kismis mae ri barhalaya.”

HOSEA 3:1 Iomraidhean Croise

2 SAMUEL 6:19

Nampa nabage-bagei ke'nanga kanre. Tunggala' tau niaka anjoreng baji' bura'ne kammayatompa bai'-bainea massing nasarei sikere' dageng nilangga, roti siagang kanrejawa kismis. Le'baki anjo massing ammotere' ngasemmi ke'nanga mange ri balla'na.

2 KARAENG-KARAENG 13:23

Mingka Nakamaseangi Batara umma'Na siagang Napammopporangi ke'nanga. Tena Nabalang parekangi ke'nanga niancuru' passangalinna Natulungi ke'nanga, lanri parjanjianNa siagang Abraham, Ishak siagang Yakub. Sa'genna kamma-kamma anne tale'bakai Nakaluppai umma'Na.

1 PATTOTTORANG 16:3

nampa nabage-bagei ngaseng kanre ke'nanga. Sikontu tau niaka anjoreng, bura'ne yareka baine, massing anggapai sikere' dageng nitunu, roti, siagang kanrejawa kismis.

NEHEMIA 9:31

Mingka lanri teai sipato' lompona pangngamaseanTa, tena Kibokoi yareka tena Kiancuruki ke'nanga. Memang iKattemi Allata'ala tenaya sangkammanTa; lompoi pangngarimanginTa, sukkuki pangngamaseanTa!

PAMMUJI 123:2

Sanrapang sitau ata ta'gentunga tallasa'na ri karaenna, siagang sitau ata baine mae ri karaeng bainena, kammaminjo batena attayang ikambe, o, Batara, Allata'alana ikambe, sa'genna Kikamaseang ikambe.

KALAPPASSANG 32:6

Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

KELONG MALA'BIRI' 2:5

Pakajarreka' siagang te'nena rappo anggoroka, pakkamalea' siagang rappo appele', lanri inakke garring pattanringa'.

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YEREMIA 3:20

Mingka rapang baine tenaya namajarre' pa'mai'na, sangkamma tomminjo tena namajarre' pa'mai'nu mae ri Nakke. INakke, Batara, anne a'bicara.”

YEREMIA 31:20

Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

HOSEA 4:11

Nakana Batara, “He ummakKu, baji' anggoro' salloa kammayatompa anggoro' berua napa'lanynya'mi pakkullenu untu' appikkiri' baji'.

HOSEA 7:5

Ri allo passua'-suarranna karaenga, napainungi ke'nanga karaenna siagang sikamma pagawe-pagawena karaenga sa'genna nasa'ring siagang nagaukang katoloanga. Kale'bakkanna assannang-sannammi karaenga siagang sikamma anjo tau a'bali' ballanga.

AMOS 2:8

Ri sikamma tampa' ibadaya, attinroi siagang baju napappita'gallanga na naalle tulusu' battu ri tu kasi-asia. Ri Balla'Na Allata'alana ke'nanga, angnginung anggoro' naallea battu ri tau niaka inranna mae ri ke'nanga.

AMOS 6:6

Angnginungko anggoro' battu ri pangnginungang niboneia sa'genna rassi, siagang ammakeko minynya' bau' kaminang bajika, mingka tena nasi'na pa'mai'nu mae ri kaancuranna Israel.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

ZAKHARIA 1:16

Kamma-kamma anne ammoterekKa' mae ri Yerusalem untu' ampamopporangi anjo kotaya. Lanibangungi ammotere' BallakKu siagang lanipakabajiki ammotere' kota Yerusalem.”

MATIUS 26:50

Appialimi Isa Nakana, “Apa parallunu battu sari'battang?” Maju ngasemmi anjo tau jaia anjakkalaki Isa, nampa nasikko'.

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.

1 KORINTUS 10:7

Kammayatompa sollanna tena ninynyomba todong barhala sangkamma nagaukanga ke'nanga. Nia' tattulisi' lalang ri Kittaka angkanaya, “Appakkaramulami anjo bansaya angnganre angnginung, kammayatompa a'dansa-dansa untu' anynyomba ri barhalaya.”

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.

HAKING-HAKING 10:16

Nampa napela' ngasemmo ke'nanga sikontu patung barhalaya, nanynyombamo ke'nanga ri Allata'ala. Natu'guru' pangngamaseammo Allata'ala anciniki ke'nanga lalang kasukkarang.

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.