HOSEA 2:9 - KITTA' MATANGKASA'

⁹ Lanri kammana anjo, ri wattu pakkattoanga sallang laKuallei ammotere' passareKu, iamintu gandung, anggoro', kaeng wol siagang kaeng lenang Kupassareanga mae ri ia untu' pakeanna.

HOSEA 2:9 Iomraidhean Croise

YEHEZKIEL 16:27

Kamma-kamma anne angngalleA' tindakang untu' anghukkungko siagang angngallei barakka' le'baka Kupassareang mae ri kau. Kupassareangko mae ri tu Filistin ammusuako siagang a'ringi'-ringika ancinikko anggaukangi anjo panggaukang ra'masa'nu.

YEHEZKIEL 16:39

LaKupassareangko mae ri anjo sikamma tanrinnu, nampa ke'nanga lanaruntungi sikamma tampa'nu assundala' siagang anynyomba ri barhala. Kabusu'na pakeannu siagang belo-belonu lanarampasa' ngasengi ke'nanga, sa'gennu a'jari assolara'.

YEHEZKIEL 23:26

Lanisolarriko siagang lanirampasaki sikamma belo-belonu.

DANIEL 11:13

Makapinruanna karaeng pa'rasangang waraka lappasadiai pasukang lompo, ba'lalo la'bi lompoangngang naanjo rioloa. Punna narapi' wattunna, la'gioki maju siagang pasukang lompo kammayatompa jai sikalia pakkakasa' bundu'na.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

HOSEA 8:7

UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

HOSEA 9:2

Mingka tasalloami nulakakurangang ngaseng ri gandung siagang minynya' zaitun, kammayatompa anggoroka lala'busu' tongi.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

ZEFANYA 1:13

Lanirampasaki barang-baranna ke'nanga siagang laniancuruki sikamma balla'na. Lambangungi ke'nanga balla', mingka takkulleai napammantangngi. Lappareki ke'nanga koko anggoro' mingka takkulleai nainung je'ne' anggoro'na.”

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”