HOSEA 2:14 - KITTA' MATANGKASA'

¹⁴ Nakana Batara, “Lanri kammana anjo laKuerangi mange ri parang lompoa; laKunyonyoki anjoreng siagang kana-kana passingaiang.

HOSEA 2:14 Iomraidhean Croise

PA'JARIANG 34:3

Mingka sanna'mi ero'na ri Dina, sa'genna tu'guru' pangngai ri ia. Nausahaimi sollanna ero' todong anjo tuloloa ri kalenna.

AYUB 36:16

Napakabebasa' mako Allata'ala battu ri kasukkarang, sa'genna akkulle nukasia' kasannangnganga, siagang rassi mejang pangnganreannu siagang kanre.

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YEREMIA 16:14

Nakana Batara, “Lanarapiki sallang wattunna natenamo nassumpa taua lalang arengKu, Allata'ala mattallasaka, le'baka angngerangi umma' Israel assulu' battu ri Mesir;

YEREMIA 45:4

He Barukh! INakke, Batara, anruntung siagang ambangungi apa le'baka Kubangung, siagang ambi'buki apa le'baka Kulamung. Sikontu linoa Kupakamma ngasengi anjo.

YEHEZKIEL 20:10

Nampa Kuerang ke'nanga assulu' battu ri Mesir a'lampa mange ri parang kassika.

YEHEZKIEL 20:33

“Lanri iNakke, Allata'ala Mattallasaka, Batara Kaminang Tinggia, Kupakaingakko angkanaya lanri larroKu, laKuparentako siagang terasa' sa'genna nukasia' kakoasangKu. LaKupa'rappungko siagang laKuerangko ammotere' battu ri sikontu pa'rasangang tampa'nu nipasisa'la'-sa'la'.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

MIKHA 1:7

Patung-patunna ka'jalaka ballinna laniancuruki, siagang sikamma apa-apa nipassareanga mae ri bai'-baine tugasaka ri balla' rewataya lanitunui, kammayatompa sikontu barhalana lanipanraki. Anjo barang-barang kammaya wassele' ibadana ke'nanga mae ri rewata kacopponganga. Kamma-kamma anne kabusu'na anjo laniengkaki ri musu-musunna untu' napassareang mae ri rewata-rewatana ke'nanga.”

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.

YOHANES 12:32

Mingka iNakke anne, punna le'ba'Ma' nipakatinggi ri linoa, laKubeso' ngasengi sikontu taua mae ri Nakke.”

YOHANES 6:44

Tenanniakka manna sitau akkulle battu mae ri Nakke, punna tanieranga ri ManggeKu battu mae ri Nakke iamintu Mangge assuroA' battu; na inai-nai battu mae ri Nakke, iami laKupabangung poleang ri Allo Kiamaka.

PAPPICINI' 12:14

Mingka nisaremi anjo bainea rua ka'nyi' jangang-jangang rajawali lompoa sollanna anri'ba' mae ri tampa'na ri parang lompoa; anjoremmi laniparakai tallun taung assitangnga sallona, sa'genna a'lilimo battu ri anjo nagaya.

PAPPICINI' 12:6

Jari larimi anjo bainea mange ri parang lompoa, ri tampa' le'baka nipasadiangi ri Allata'ala. Anjoremmi ri tampaka laniparakai 1260 allo sallona.

HAKING-HAKING 19:3

a'lampami anjo tu Lewia ampinawangi untu' anynyonyoki sollanna ammotere' mae ri ia. A'lampana, angngerangi sitau suro siagang ruang kayu keledai. Battui mange anjoreng, nierammi ri bainenna mange ri manggena. Nicini'na ri manggena anjo bainea, niruppaimi siagang rannu pa'mai'na,