HOSEA 2:12 - KITTA' MATANGKASA'

¹² LaKuputtai poko'-poko' anggoroka siagang poko'-poko' ara nakanaya passawallang nagappaya battu ri palayananna mae ri sikamma tanrinna. LaKupinrai koko-koko anggoroka siagang koko-koko araya a'jari romang; labattui olo'-olo' sekkeka ampanraki.

HOSEA 2:12 Iomraidhean Croise

PAMMUJI 80:12

Tangke ca'dina a'la'baki sa'genna mange ri Tamparang Tangngaya, pucu'-pucu'na narapiki Binanga Efrat.

YESAYA 29:17

Nia' paruntu' kana kamma anne, “Tasalloami na'jari pa'lamung-lamungammo romang lompoa, na butta pa'lamung-lamunganga a'jari romang lompo.”

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 7:23

Anjo wattua sikamma koko anggoro' massing nilamungia tassisa'bu poko' anggoro' siagang nianggaraka sisa'bu doe' pera', lanitimboi ri romang katinting.

YEREMIA 13:26

KalengKu angkaei pakeanga battu ri kalennu sollannu a'jari assolara' siagang a'jari siri'-siri'.

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.

YEREMIA 8:13

Ero' duduA' ampasse'rei ummakKu rapang tau ampasse'reai wassele' buttana. Mingka, ummakKu rapangi poko' anggoro' siagang poko' ara tenaya rapponna, ba'lalo manna leko'na kalumeng ngasemmi. Iaminjo saba'na naKukellaimo bansa maraenga battu siagang nakoasai pa'rasanganna ke'nanga. INakke, Batara, anne akkana.”

HOSEA 13:8

SanrapangA' beruang tappelaka ana'na lambakkaiko. LaKukae-kaeko. RapangA' singa lambakkaiko ri tampa'nu, siagang rapangA' olo'-olo' sekke' laKukae-kaeko.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.

HOSEA 9:1

He bansa Israel, tea' mako pakalompoi pole allo-allo lomponu sangkamma bansa-bansa maraenga. Nubokoimi Allata'alanu siagang tenamo namajarre' pa'mai'nu mae ri Ia. Ri tampa'-tampa' panggilingang gandunga nubalukangi kalennu a'jari rapang pasundala' mae ri Rewata Baal, siagang sannangi nyawanu antarimai gandung nukanaya sawala' nugappa battu ri anjo rewataya!

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.