HOSEA 13:8 - KITTA' MATANGKASA'

⁸ SanrapangA' beruang tappelaka ana'na lambakkaiko. LaKukae-kaeko. RapangA' singa lambakkaiko ri tampa'nu, siagang rapangA' olo'-olo' sekke' laKukae-kaeko.

HOSEA 13:8 Iomraidhean Croise

2 SAMUEL 17:8

Tantu kiassengi karaeng angkanaya anjo Daud siagang ana' buana sangnging pajuang barani. Pallaki ke'nanga rapang beruang tappelaka ana'na. Nampa pole anjo Daud iami tantara jai pangalamanna, tenaya nale'ba' sipa'bangngiang siagang ana' buana.

PAMMUJI 50:22

Parhatikangi, ikau ngaseng takkaluppaya mae ri Allata'ala; tutuko, gassingka Kuposso' ngasengko, na tena ampasalamakko.

PAMMUJI 80:13

O, Allata'ala, angngapa Kirumbangi kalli'na, sa'genna sikamma tau allaloa akkulle ngasengi naalle rapponna?

PANGNGEBARANG 17:12

Bajikangngangi assibuntuluka siagang anrong beruang tappelaka ana'na, kala assibuntuluka siagang tau sibuka siagang kadongokanna.

YESAYA 5:29

Ammarrungi sa'ranna tantarana rapang sa'ranna singaya, beru le'baka angngokko' apa najakkala', nampa naerang lari, nampa tena akkulle allappassangi.

YESAYA 56:9

Nasuroi Batara bansa-bansa maraenga battu rapang olo'-olo' sekke' untu' ambakkai nakokko' umma'Na.

YEREMIA 12:9

Rapangi ke'nanga jangang-jangang nibuccuka ri balangkoa' battu ri kere-keremae. Kioki sikontu olo'-olo' niaka ri romanga untu' amminawang ampaccappuki ke'nanga.

YEREMIA 25:38

Rapang singa assuluka battu ri leanna, kamma tomminjo Batara assuluki untu' anghukkungi umma'Na. Palla'na pa'bundukanga siagang kalarroanNa Batara ampinrai anne pa'rasanganga a'jari parang lompo.

HOSEA 2:12

LaKuputtai poko'-poko' anggoroka siagang poko'-poko' ara nakanaya passawallang nagappaya battu ri palayananna mae ri sikamma tanrinna. LaKupinrai koko-koko anggoroka siagang koko-koko araya a'jari romang; labattui olo'-olo' sekkeka ampanraki.

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.