HOSEA 13:4 - KITTA' MATANGKASA'

⁴ Nakana Batara, “INakke Karaeng Allata'alanu, le'baka angngerangko assulu' battu ri Mesir. Tena Allata'ala maraeng pantaranganna iNakke. INakkemi se're-se'rea ampasalamakko.

HOSEA 13:4 Iomraidhean Croise

2 KARAENG-KARAENG 18:35

Rewata kereanga le'ba' allappassangi pa'rasanganna battu ri kakoasangku? Kemae lakkulle Batara ampasalamaki Yerusalem?’ ”

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

HOSEA 11:1

Nakana Batara, “Kukamaseangi Israel battu ri ca'dina, Kukioki anakKu assulu' battu ri Mesir.

HOSEA 12:10

Mingka iNakke, Karaeng Allata'alanu, le'baka angngerang ngasengko assulu' battu ri Mesir, laKupammantangko pole ri kema-kemaya sangkamma riolo, ri wattungKu battu mae ri kau ri parang lompoa.

HOSEA 12:9

Nakana ke'nanga, ‘Kamma-kamma anne kalumanynyang maki'. Assawala' maki'. Tena manna sitau akkulle antuduki' angkanaya lanri kajekkonganta nakiakkalumanynyang.’

HOSEA 2:15

Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.

HOSEA 2:20

LaKunikkaiko situru' janjingKu. LanuaniA' salaku Bataranu.

YUNUS 2:10

Nampa lanri parentaNa Batara, anjo jukaka nalangngeammi Yunus nai' ri bontoa.

LAMPA-LAMPANA 4:12

Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”