HOSEA 13:15 - KITTA' MATANGKASA'

¹⁵ Manna pole coppong bansa Israel rapang ruku' coppong, mingka lappabattuA' anging bambang battu iraya ri parang lompoa. Anjo anginga lampakalotoroki sikontu timbuseng je'neka siagang bungunga, sa'genna lanynya' kabusu'mo apa-apa niaka anggaranna.

HOSEA 13:15 Iomraidhean Croise

PA'JARIANG 41:23

Nampa attimbo pole tuju bulere' gandung sannaka ngaseng roso'na siagang opaya rapponna napakamma anging parang.

PA'JARIANG 41:52

Nakanamo pole, “Nasarema' ana' Allata'ala ilalang ri kasukkarrangku.” Nampa naareng anjo ana' makaruaya “Efraim”.

PA'JARIANG 41:6

Se're tangke napattimboi anjo bulereka. Nampa attimbomo pole tuju bulere' gandung maraeng, sannaka ngaseng roso'na, siagang opai napakamma anging parang.

PA'JARIANG 48:19

Mingka taerokai manggena, na nakana, “Kuassenji ana', kuassenji. Manasye lalompoi koasana, siagang turunganna la'jari tongi bansa lompo. Mingka andi'na lalompoangngangi koasana naia, kammayatompa turunganna andi'na la'jari bansa-bansa lompo.”

PA'JARIANG 49:22

Yusuf rapangi keledai rungka, keledai liara' ri ampi' timbuseng je'ne', lari-laria rate ri moncong.

AYUB 18:16

Kalotoro'mi siagang akkapurru'mi aka'-aka'na; tangke-tangkenna kalotoro'mi na rokko'.

PAMMUJI 1:4

Ta'bale'na ri tu ja'dalaka: rapangi awang niri'bakang ri anging.

PAMMUJI 109:13

Boli'mi kamma nipaccappu' sikontu turunganna, na nikaluppai arenna ri ana'-ana' ri bokoa.

YESAYA 14:21

Lanipakaramulami pammunoanga! Ana'-ana' bura'nenu lamatei lanri dosana boe-boena ke'nanga. Tena manna sitau battu ri ke'nanga lammarenta ri lino yareka ambangung kota-kota.”

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YESAYA 27:8

Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

YEREMIA 20:5

LaKulappassangi musunna ke'nanga anrampasaki siagang angngengkaki mange ri Babel sikontu kakalumanynyangnganna siagang barang-baranna anne kotaya, ba'lalo barang-barang pisakana sikamma karaenna Yehuda.

YEREMIA 4:11

Lania' wattunna sallang anjo tu Yehuda siagang pandudu'na Yerusalem anggappai kabara' angkanaya ammiriki anging bambanga battu ri paranga tattuju mae ri ke'nanga. Anjo anginga teai anging biasa, anri'bakanga bawang awang,

YEREMIA 4:12

passangalinna anging lompo battua lanri parenta KalenNa Batara, untu' ampitujui hukkungang umma'Na.

YEREMIA 51:1

Nakana Batara, “LappabattuA' anging pammanraki, ammirika mae ri Babel siagang mae ri pandudu'na.

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

YEHEZKIEL 17:10

Memang, attimbo kassa'mi, mingka maka akkulle attallasa' tulusu' siagang a'bakka'? Maka tena nalakalumeng niiri' ri anging battu raya? Maka tena nala'jari kalotoro' ri tampa'na nilamung?”

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

DANIEL 11:8

Ri wattunna ammotere' mange ri Mesir, lanaerangi patunna rewatana musunna siagang pakkakasa' bulaeng siagang pera' le'baka nipassareang mae ri anjo rewataya. Siapa are taung sallona tena nalanabunduki karaenna anjo pa'rasangang waraka.

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

HOSEA 4:19

Lanri kammana anjo lalanynyaki ke'nanga rapang tau niiri' rianging. Langgappai ke'nanga siri' lanri koro'bang-koro'bang napassareanga ke'nanga mae ri rewata-rewataya.

HOSEA 9:11

Lanri'baki natappela' kalompoanna Israel rapang jangang-jangang lanynyaka anri'ba'; tenamo tubaine latianang siagang tenamo ana'-ana' lanilassukang.

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

NAHUM 2:9

Rampasaki sikontu bulaenna siagang pera'na! Barang-baranga ri anne kotaya ma'nassa alla'bi-la'bi!

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”