HOSEA 13:1 - KITTA' MATANGKASA'

¹ Riolo nipakalompoi suku Efraim sa'genna punna nia' parenta battu ri anjo sukua, malla' ngasengi suku-suku maraenga ri Israel. Mingka dorakami suku Efraim lanri anynyombana ri Rewata Baal, lanri kammana anjo lalanynyaki.

HOSEA 13:1 Iomraidhean Croise

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

1 KARAENG-KARAENG 12:25

A'jari karaennamo ri Israel, nakassakkimi Yerobeam kota Sikhem ri daera pa'monconganna Efraim, nampa ammantang anjoreng untu' sinampekang wattu. Nampa a'lampa pole battu anjoreng na nakassakki kota Pnuel.

AYUB 29:21

A'mereki taua punna kupakainga'; napilangngeri baji' sikamma kana-kanangku.

AYUB 29:22

Pungku le'ba' a'bicara, tenamo parallu antambai; ammallasaki kana-kanangku rapang atti'na je'ne' bosia.

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 7:8

lanri anjo Siria tena nakassakkangngang na ibukotana iamintu Damsyik, kammayatompa anjo Damsyik tena nakassakkangngang na Karaeng Rezin. Nampa lalanna annampulo allima taung, lata'bage-bagei Israel sa'genna takkulleami attahang a'jari se're bansa.

HOSEA 11:2

Mingka pila' Kukioki anjo anakKu pila' napakabellai kalenna battu ri Nakke. Angngerangi koro'bang siagang attunui dupa untu' Rewata Baal siagang rewata-rewata maraengannaya.

HOSEA 2:10

LaKusolarri ri dallekanna sikontu tanrinna. Na tena manna sitau battu ri ke'nanga akkulle allappassangi battu ri kakoasangKu.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.

HOSEA 8:4

Ammilei ke'nanga karaeng natena nappitangara' mae ri Nakke. Angngangkaki pamimping natena napalaki passitujuangKu. Naallei bulaenna siagang pera'na ke'nanga nampa appare' patung barhala angngeranga kaancurang mae ri kalenna ke'nanga.

PAMMILANGNGANG 10:22

Nampa amminawang pasukang a'la'langa rawa bandera kasatuanna suku Efraim, tasse're pasukang mae ri pasukang maraengannaya: Elisama ana'na Amihud ampimpingi barisanna suku Efraim,

PAMMILANGNGANG 13:16

Iaminjo mata-mata nisuroa ri Musa mange ammata-matai anjo pa'rasanganga. Hosea ana'na Nun nisambei arenna ri Musa a'jari Yosua.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

ROMA 5:12

Lanri se're tau nantama'mo dosaya ri lino, siagang battu ri iaminjo dosaya ammumba kamateanga. Iaminjo na'la'bammo kamateanga mae ri sikontu rupataua, nasaba' doraka ngasemmi rupataua.

2 KORINTUS 5:14

PangngamaseanNami Almasi makoasa mae ri kambe; nanaassemmo ikambe angkanaya punna matemo tau se'rea untu' kaparalluanna sikontu rupataua, anjo battuanna angkanaya mate ngasemmi sikontu rupataua.

YOSUA 3:7

Nakana Batara mae ri Yosua, “Appakkaramula anne alloa laKupa'jariko tau malompo sa'genna sikontu umma' Israel lanapakalompoko siagang nasadari angkanaya iNakke anrurungangko sangkamma Kururunganna Musa.

HAKING-HAKING 12:1

Anjo wattua sadiai suku Efraim ero' a'lampa mange a'bundu'. A'lampami ke'nanga, na' limbang ri Binanga Yordan, mange ri Zafon. Nakanamo ke'nanga ri Yefta, “Angngapa nu'lampa ambunduki bansa Amon na tena nukio' tongki'? Kamma-kamma anne lakitunuko siagang sikontu bone balla'nu.”

HAKING-HAKING 8:1

Na nakanamo tu Efraim ri Gideon, “Angngapa natena nukio' tongi ikambe ri wattunnu a'lampa ambunduki tu Midianga? Apa saba'na nuppakamma ri kambe?” Kammami anjo batena a'moro-moro ke'nanga mae ri Gideon.

1 SAMUEL 15:17

Nakanamo Samuel, “Sai ikattemi a'jari pamimping mae ri suku-suku Israel, manna nakikana kalenta tu tuna? Napile maki' Batara a'jari karaeng mae ri tu Israel.