HOSEA 12:7 - KITTA' MATANGKASA'

⁷ Lanri kammana anjo, he ikau ngaseng jari-jarina Yakub, tappa' lalo mako mae ri Allata'alanu siagang ammotere' mako mae ri Ia. Attallasa' mako lalang pangngamaseang siagang kalambusang, siagang attayang mako siagang sa'bara' sa'genna angngalle tindakang Allata'alanu.

HOSEA 12:7 Iomraidhean Croise

PA'JARIANG 49:18

O Batara, kasalamakkang Kipassareanga, iaminjo sarro kutayanga.

PANGNGEBARANG 11:1

Nakabirisi Batara tau ammakea timbangang jekkong, mingka sannangi nyawaNa mae ri tau ammakea timbangang annaba.

PANGNGEBARANG 16:11

Nakaerokangi Batara a'gau' lambusu' taua lalang pa'balu'-balukanga, kammayami lalang ammakea ukkurang siagang timbangang.

YESAYA 3:5

Lamassing sijalla'-jallakkangi taua. Tau rungkaya tanajampangiai tau toaya, siagang tau ca'dia tanajampangiai tau lompoa.

YESAYA 56:1

Nakana Batara ri umma'Na, “Gaukangi apa adeleka siagang apa situruka siagang hukkungKu. Saba' sinampe' mami naKubattu ampasalamakko na nipa'nyata kaadelangKu.

YEHEZKIEL 16:3

Batara Kaminang Tinggia nasuroa' ampabattui anne pasanga mae ri Yerusalem, angkana, “He Yerusalem, ikau lassukko ri butta Kanaan. Manggenu tu Amori siagang amma'nu tu Het.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

YEHEZKIEL 28:5

Memang, ikau cara'dekko a'danggang siagang kamma-kamma anne kalumanynyang kalupepeang mako; nampa anjo kakalumanynyangngannu napa'jari tampo mako!’ ”

HOSEA 14:2

He bansa Israel, ammotere' mako mae ri Karaeng Allata'alanu! Passabakkang dosanu nutappeccoro' siagang tu'guru'.

YO"EL 2:12

Nakana Batara, “Mingka kamma-kamma anne, pakkalepumi atinnu ammotere' mae ri Nakke, nuppuasa, appiraung siagang angngarru'.

AMOS 2:7

Najallakkangi ke'nanga tau tenaya pakkullena siagang lammaya, kammayatompa napakabellai tu kasi-asia. Manggea siagang anaka nagauki se'rea ata baine narua-ruai, sa'genna nara'massi areng matangkasakKu.

AMOS 3:9

Pa'la'bangi pabattu mae ri tau ammantanga ri balla' karaenga ri Mesir siagang Asdod angkana, “A'rappung ngasengko ri moncong-moncong tammulilina Samaria, siagang parhatikangi karicuang lompoa kammayatompa pammaccokang nigaukanga anjoreng.”

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

ZAKHARIA 14:21

Sikontu panci niaka ri Yerusalem siagang ri sikontu Yehuda lanisa'laki nipakatangkasa' untu' Napatang Batara Kaminang Koasaya. Pandudu' angngeranga koro'bang passare lanapakei untu' ampallui dageng lanapassareanga. Punna battu sallang anjo wattua, tenamo nania' padanggang ri Balla'Na Batara Kaminang Koasaya.

ZAKHARIA 5:8

Nakana anjo malaekaka, “Anne bainea iamintu pangngebarranna kaja'dallanga.” Nampa najallakkang ammotere' anjo bainea antama' ri karanjenga siagang natongko' ammotere' anjo karanjenga.

ZAKHARIA 7:9

angkana, “Attaung-taung allaloa Kupassareangi anne parenta-parentaya mae ri ummakKu, ‘Musti a'gau' adelekko, mangngamaseang siagang baji' pa'mai' mae ri parannu tau.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

YOHANES 2:16

Nampa Nakana ri anjo pabalu' jangang-jangang bodobangkenga, “Angka' ngasengi a'lampa anne. Teako pareki tampa' pa'danggangang Balla'Na BapakKu!”

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

1 SAMUEL 12:3

Kamma-kammaminne, nakuammenteng ri dallekannu ngaseng! Punna nia' kasalang le'ba' kugaukang, tuntu'ma' ri dallekanNa Batara siagang ri dallekanna karaeng Napilea. Niakka nakule'ba' angngalle sapi yareka keledai battu ri tau maraengang? Niakka nakule'ba' annipu yareka anjallakkang tau yareka annarima doe' pacoco'? Paumi, sollanna akkulle kupoterang manna naapa-apa mamo.”