HOSEA 12:6 - KITTA' MATANGKASA'

⁶ Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

HOSEA 12:6 Iomraidhean Croise

PA'JARIANG 49:18

O Batara, kasalamakkang Kipassareanga, iaminjo sarro kutayanga.

PAMMUJI 123:2

Sanrapang sitau ata ta'gentunga tallasa'na ri karaenna, siagang sitau ata baine mae ri karaeng bainena, kammaminjo batena attayang ikambe, o, Batara, Allata'alana ikambe, sa'genna Kikamaseang ikambe.

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

PANGNGEBARANG 1:23

Pilangngeria' punna kupasaileko, na lakupa'nyata bonena atingku, siagang kuajarrangko pangngassengangku.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 31:6

Nakana batara, “O, bansa Israel, nuewaMa' siagang doraka mako ri Nakke. Mingka kamma-kamma anne, ammotere' lalo mako mae ri Nakke!

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 58:6

Iaminne puasa Kukaerokia: La'gasi sikko' panjallakkanga siagang battala'na gau' tenaya naadele', siagang lappassangi tau nijallakkanga.

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

YEREMIA 22:15

Pilangngeri, he Karaeng Yoyakim! Punna nubangung balla' karaeng battu ri kayu Libanon kaminang bajika, maka nukana anjo a'jari butti angkanaya ikau karaeng kaminang baji' battu ri sikamma karaeng maraenga? Coba sai u'rangi manggenu: Nakasiaki tallasa' mate'nea siagang angngerangi wassele' sikontu usahana, lanri tuli lambusuki siagang tena najekkong angngadeli, kammayatompa adeleki angngadeli parkarana tau kasi-asia. Memang kammaminjo mustina panggaukanna tau tappaka mae ri Batara.

YEHEZKIEL 18:30

Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.

HOSEA 10:12

Kukana, ‘He Israel! Apparekko koko beru untu' kalennu, kiori siagang bine kaadelang, siagang akkatto mako barakka' naerang poleanga mattojeng-tojenna pangngainu mae ri Nakke. Nasaba', narapi'mi wattunnu untu' amboyA', Bataranu. LabattuA' untu' ampaturungangko bosi barakkakKu.’

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HOSEA 4:1

Nia' parkaraNa Batara siagang pandudu'na anne pa'rasanganga. He Israel, pilangngeri anne apa kananNa, “Ri anne pa'rasanganga tena kamajarrekang pa'mai' siagang pangngamaseang, siagang pandudu'na tena naaniA' salaku Allata'ala.

YO"EL 2:12

Nakana Batara, “Mingka kamma-kamma anne, pakkalepumi atinnu ammotere' mae ri Nakke, nuppuasa, appiraung siagang angngarru'.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

AMOS 5:24

Bajikangngangi appatujuangko sollanna a'lo'loro' kaadelanga rapang je'ne', siagang kalambusanga rapang binanga tenaya nale'ba' kalotoro'.

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

ZEFANYA 3:8

Mingka tutuko! Tayammi allonna naKuammenteng nai' untu' antuntukko. Nasaba' le'ba'mi Kupattantu untu' ampa'rappungi bansa-bansaya siagang kakaraengang-kakaraenganga untu' ampabattui pangngalarroingKu mae ri ke'nanga. Sikontu buttaya lala'busuki nakanre pepe' pangngalarroingKu.

ZAKHARIA 1:3

Mingka kamma-kamma anne Kukana mae ri kau ngaseng: Ammotere' mako mae ri Nakke, naKuammotere' todong mae ri kau ngaseng.

ZAKHARIA 7:9

angkana, “Attaung-taung allaloa Kupassareangi anne parenta-parentaya mae ri ummakKu, ‘Musti a'gau' adelekko, mangngamaseang siagang baji' pa'mai' mae ri parannu tau.

ZAKHARIA 8:16

Iaminne parenta-parenta mustia nugaukang: Punna a'bicarako mae ri parannu tau, a'bicarako sitojennaya. Angngalleko kaputusang adele' ri pangadelanga siagang angngeranga passiamakkang.

LAMPA-LAMPANA 2:38

Appialimi Petrus nakana, “Toba' ngaseng mako battu ri dosa-dosanu. Siagang musti massing nije'ne' ngasengko lalang arenNa Isa Almasi, sollanna nipammopporang dosa-dosanu. Nampa lanutarima passareNa Allata'ala, iamintu RohNa Allata'ala.

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!