HOSEA 11:6 - KITTA' MATANGKASA'

⁶ Bundu' lompoa lanarapiki sa'genna kota-kotana ke'nanga; lanipanraki sikamma pakke'bu' lompoa, siagang lania'moroki ummakKu. Nakajariang anjo kammaya lanri naturukinna ero' kalenna ke'nanga,

HOSEA 11:6 Iomraidhean Croise

PAMMUJI 106:39

Lanri anjo sikamma panggaukanna a'jari ra'masa'mi ke'nanga, siagang tajarreka ke'nanga mae ri Allata'ala.

PAMMUJI 106:43

A'mole-molei nipakabebasa' ke'nanga ri Batara, mingka la'bi nangai ke'nanga angngewa, sa'genna posso' ke'nanga lalang dosa-dosana ke'nanga.

YESAYA 18:5

Ri tenanapa nawattu rappo-rappoang, ri wattu runannamo bunganna siagang ri tenanapa nati'no' anggoroka ri poko'na, laniancuru'mi Sudan ri musunna, kamma gampanna ladinga angkattiliki tangke-tangkenna anggoroka battu poko' anggoroka.

YESAYA 27:10

Anjo kota niaka pattahanganna a'jari sinomi siagang nibokoimi rapang parang luara' tenaya bonena. Olo'-olo' piaraya anjorengi a'ruku' siagang ammari-mari; napila'busi sikamma leko'-leko' kayua battu ri tangke-tangkenna.

YESAYA 30:1

Nakana Batara, “Cilakai sikamma pamimpinna tu Yehuda, lanri angngewana ke'nanga ri Nakke. Rancanana ke'nanga naturuki, teai rancanaKu. Annekengi parjanjiang ke'nanga, tenaya nasicoco' siagang erokKu. Jari attambung-tambummi dosana ke'nanga.

YESAYA 9:14

Ulunna, iamintu tutoa-toana siagang tunipakalompona, na ingkonna iamintu sikamma na'bi assarea pangngajarang sala.

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.

YEREMIA 50:35

Nakana Batara, “Panraki Babel siagang ra'ya'na, pagawe-pagawe pamarentana, kammayatompa sikamma tau cara'de'na!

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YEHEZKIEL 20:47

Suroi anjo romanga ampilangngeri apa Kupaua, iNakke, Batara Kaminang Tinggia, mae ri ia, ‘Pilangngeri! LapparinrA' pepe' akkullea antunui sa'genna cappu' sikamma poko' kayu niaka ri kau, baji' nakalotoroka kammayatompa mataya. Anjo pepe' a'rinra-rinraya tena nakkulle nibuno. La'le'lereki battu timboro' a'lampa wara', na sikontu taua lanapisa'ringi bambanna.

HOSEA 10:14

jari lanitujumi ra'ya'nu ri pa'bundukang, siagang sikontu pattahangannu laniancuruki. Pattallassannu la'jari sangkammai ri allonna Karaeng Salman napanraki kota Bet-Arbel lalang pa'bundukang, siagang nalissarrang sikamma amma'-ammaka siagang ana'-ana'na.

HOSEA 10:6

Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

HOSEA 4:16

Ikau ngaseng, he tu Israel, sanna' kapala batunu ngaseng! Antekamma bateKu langkalawakiko sangkamma gimbalaka ri parang rukuka?”

HOSEA 4:17

Umma' Israel niallemi pa'mai'na ri barhalaya. Lanri kammana anjo lappassammi ke'nanga kamma.

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

MIKHA 5:11

Jima'-jima'nu laKupa'lanynyaki siagang sikontu pacini'nu laKupabella kabusuki.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

PAOLE 28:52

Lanabunduki ngasengi sikamma kota niaka ri pa'rasangang Napassareanga Karaeng Allata'alanu mae ri kau. Anjo tembo'-tembo' kalli' tinggia siagang nukanaya kassa' siagang nupattoanga laruntung ngasengi.

PAOLE 32:25

Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.