HOSEA 11:11 - KITTA' MATANGKASA'

¹¹ Battu ri Mesirki lania' battu ke'nanga sanrapang jangang-janganga linta'na, siagang battu ri Asyur rapang jangang-jangang bodobangkeng. Nampa laKuerang ammotere' ke'nanga mange ri balla'na. INakke, Batara, anne akkana.”

HOSEA 11:11 Iomraidhean Croise

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 60:8

Apa kutadeng anjo allayanga rapang rammang rapang bodobangkeng anri'baka ammotere' ri tampa'na?

YEREMIA 31:12

Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.

YEHEZKIEL 34:27

Poko'-pokoka la'rappoi, koko-kokoa langngerangi wassele', siagang sikontu taua lammantangi siagang amang ri butta kalenna. Punna le'ba'mo Kutappu' rante passikko'na ummakKu siagang le'ba'mi Kulappassang battu ri tau amparekai ata ke'nanga, naassemmi ke'nanga angkanaya iNakke Batara.

YEHEZKIEL 34:28

Tenamo nalaniella' ke'nanga ri bansa-bansa tenaya natappa' ri Nakke, yareka nikokko' ri olo'-olo' sekke'. Lattallasa' salewangangi ke'nanga, siagang tenamo manna sitau lampakamallaki ke'nanga.

YEHEZKIEL 37:21

Nampa paui mae ri ke'nanga angkanaya iNakke, Batara Kaminang Tinggia, angngallei sikontu bansaKu battu ri sikamma pa'rasangang napa'lampaia ke'nanga. LaKupasse'rei ke'nanga siagang Kuerangi ammotere' mange ri pa'rasangang kalenna.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

OBAJA 1:17

“Mingka ri Bulu' Sion, lania' lasalama', siagang anjo buluka a'jari tampa' nisa'la' untu' iNakke. Jari jari-jarina Yakub lanapatangi ammotere' butta pisakana ke'nanga.

ZAKHARIA 10:10

LaKupoterangi ke'nanga battu ri Mesir siagang Asyur. LaKuboliki ke'nanga ri pa'rasangang kalenna. Kuerangi ke'nanga mange ri Gilead kammayatompa Libanon, sa'genna rassi sikontu pa'rasanganga napakamma ke'nanga.

ZAKHARIA 8:7

LaKupasalamaki ummakKu battu ri sikamma pa'rasangang le'baka napammantangngi ke'nanga nialle,

ZAKHARIA 8:8

nampa Kuerang ammotere' ke'nanga battu iraya siagang battu lau', sa'genna ammantang pole ke'nanga ri Yerusalem. La'jari ke'nanga ummakKu siagang iNakke a'jari Allata'alana ke'nanga. INakke lammarenta mae ri ke'nanga lalang kajarrekang siagang kaadelang.”