HOSEA 11:10 - KITTA' MATANGKASA'

¹⁰ Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

HOSEA 11:10 Iomraidhean Croise

AYUB 37:1

“Anging lompoa ampa'jari mallaki nyawaku, a'dumba'-dumbaki barambangku napakamma.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 2:11

Manynyombako ri Batara numannuruki,

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 2:5

He, turunganna Yakub, umba ki'jappa lalang singara'Na Batara!

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

YESAYA 42:13

Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

YESAYA 64:2

rapang pepe' amparinrayai kayua siagang ampa'rereai je'neka. Kipa'nyatami koasaTa mae ri musu-musunTa, sa'genna annekkere' bansa-bansaya ri dallekanTa.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YEREMIA 25:30

Sikontu apa Kupaua mae ri kau, Yeremia, musti nupabattui. Paui mae ri ke'nanga angkana, ‘A'galatturuki sa'ranNa Batara battu ri suruga; battu ri pammantangngang matangkasa'Na a'gamarrung angngewai umma'Na. Sikontu panduduka ri tompo'na buttaya nalangngereki ammarrang rapang pajama anggoro' ammaccoka anggoro' ri tampa' panggilinganga.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

YEREMIA 50:4

Nakana Batara, “Anjo wattua sallang tu Israel siagang tu Yehuda labattui siagang angngarru' amboyA', Allata'alana ke'nanga.

YEREMIA 7:6

Tea' mako manjallakkangngi pole mae ri bansa maraenga, ana'-ana' kukanga, siagang janda-jandaya. Teako ammunoi tau tena salana ri anne pa'rasanganga. Teako anynyombai ri rewata-rewata maraenga, nasaba' anjo kammaya langngerangi kapanrakang mae ri kau.

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEHEZKIEL 26:16

Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”

AMOS 3:4

Maka lammammuki singaya ri romanga, punna tena nanggappa kanre? Maka lammammuki ana' singaya battu ri leanna punna tenapa apa-apa nagappa?

AMOS 3:8

Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?

MIKHA 4:5

Tunggala' bansaya ri tompo'na buttaya massing anynyombai siagang mannuruki ri massing rewata kalenna. Mingka ikatte lamannurukiki' mae ri Karaeng Allata'alata siagang anynyomba ri Ia untu' satunggu-tungguna.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

ZAKHARIA 10:10

LaKupoterangi ke'nanga battu ri Mesir siagang Asyur. LaKuboliki ke'nanga ri pa'rasangang kalenna. Kuerangi ke'nanga mange ri Gilead kammayatompa Libanon, sa'genna rassi sikontu pa'rasanganga napakamma ke'nanga.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

ZAKHARIA 8:7

LaKupasalamaki ummakKu battu ri sikamma pa'rasangang le'baka napammantangngi ke'nanga nialle,

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

ROMA 8:1

Kamma-kamma anne tenamo hukkungang lantabai tau assileokamo katallassanna siagang Isa Almasi.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

PAPPICINI' 10:3

Nampa akkio' sangkamma singa ammarrang lompoa. Le'ba'na akkio' anjo malaekaka, appialimi anjo tujua gunturu' sangkamma sa'ra ammarrunga.